«Ураһа Мол» атыы-эргиэн киинин кэннигэр гараастар умайдылар

«Ураһа Мол» атыы-эргиэн киинин кэннигэр гараастар умайдылар.

Бытарҕан тымныыны аахсыбакка, баһаарынайдар  умайа турар хас да гарааһы умуллара сатыы сылдьар видеолара социальнай ситимҥэ тарҕанна. Бэлиэтээн суруйдахха, тохсунньуга Дьокуускайга бу номнуо хаһыс да баһаар буолар. Бу иннинэ соторутааҕыта түөрт массыына турбут автосервистээх гараас умайбыта. Ааҕааччылар сабаҕалыылларынан, гаас уматыгынан сылдьар массыына эстибититтэн маннык баһаар тахсыан сөп.