Урбаанньыттарга ынах төрүөҕэ үчүгэй

Горнай улууһун Аһыма нэһилиэгин сүөһүтэ-аһа быйылгы кыстыгы этэҥҥэ туораан эрэр. Нэһилиэккэ ынах төрүөҕэ 53 %  тэҥнэспит. Кыра бытаарыы кэтэх хаһаайыстыбаларга баар, ол да буоллар төрүөх төрөлкөй, үчүгэй дииллэр.

— Хата, сылгы төрүөҕэ бытаарда, күн бүгүн 2 эрэ биэ төрөөн турар. Ынах төрөөһүнүгэр тохтоотоххо, урбаанньыттар Петр Петрович Данилов (80%) уонна Яков Яковлевич Андреев (85%) хаһаайыстыбаларыгар төрүөх туруга олох үчүгэй. 2024 сыл нэһилиэк үрдүнэн тохсунньу ыйтан кулун тутар ыйга диэри 22 туонна үүтү ыатылар. Үүт тутар пууммут биир да күн өрөбүлэ суох үлэлии турар. Онно Галина Егоровна Капитонова үтүө суобастаахтык үлэлиир, — диэтэ Аһыма тыа хаһаайыстыбатын исписэлииһэ Станислав Андреев.