Утуйбутун кэннэ каартатын уорбут…

Ис дьыала министиэристибэтин  1-кы нүөмэрдээх полициятын отделыгар куорат олохтооҕуттан суотабай төлөпүөнүн уонна баан каартатын уорбуттарын туһунан сайабылыанньа киирбит. 

Суһал-ирдиир үлэ түмүгэр холуобунай ирдэбил үлэһиттэрэ урут сууттана сылдьыбыт 27 саастаах  уорбаланааччыны булбуттар.

Ол курдук дьахтар билэр дьонугар мустан  аргылаабыттар, онно эмсэҕэлээччи эмиэ баар эбит. Эр киһи утуйбутун кэннэ, дьахтар суотабай төлөпүөнү уонна баан каартатын уорбут.

Дьахтар хас да күн устата каартанан туһанан маҕаһыынтан ас-үөл, арыгы атыыласпыт.  Суотабай төлөпүөнү атыылаабыт.

Билигин уоруйах дьахтарга РФ Холуобунай кодексын 158 ыст. 3 чааһынан холуобунай дьыала тэриллибит.