Хаартыска sakha.gov.ru
Арассыыйа Дьоруойа Александр Находкин Уус Алдан улууһугар үлэ бэрээдэгинэн сырытта. Кини дьону-сэргэни кытта көрүстэ уонна өйдөбүнньүк, уопсастыбаннай тэрээһиннэргэ кытынна.
Тумул сэлиэнньэтигэр Александр Находкин улуус баһылыга Василий Алексеевы уонна уопсастыбаннас бэрэстэбиитэллэрин кытта Аҕа дойду Улуу сэриитин кыттыылаахтарын стелатыгар сибэкки уурда.
Салгыы нэһилиэнньэни кытта көрсүһүү буолла, онно оскуола оҕолоро уонна ытык кырдьаҕастар Арассыыйа Дьоруойугар махтал уонна өйөбүл тылларын эттилэр.
«Бүгүн мин төрөөбүт дойдубар, Уус Алдан улууһугар, эмиэ кэллим. Аҕам өттүнэн эһэм Находкин Александр Федорович Бороҕон нэһилиэгин Тумул сэлиэнньэтиттэн төрүттээх. XVIII үйэ бүтүүтүнээҕи саха уопсастыбаннай-бэлитиичэскэй диэйэтэлэ, норуокка биллэринэн Сэһэн Ардьакыап удьуора буолар. Ийэм өттүнэн Чусовскайдар, Ньурба улууһун удьуордара. Миэхэ мин төрүттэрим – олоххо сыаннастарым тирэҕин уонна күүһүм төрдүнэн буолар. Төрөөбүт дойдум дьонун кытта сирэй көрсөн, санааларын истэн, улуус уонна өрөспүүбүлүкэ инники кэскилигэр суолталаах бырайыактары өйүүр кыахтаахпыттан дьоллоохпун», — диэн Александр Находкин санаатын үллэһиннэ.
Айанын чэрчитинэн кини байыаннай дьайыылар бэтэрээннэрин уонна АБДь кыттыылаахтарын кытта көрүстэ. Истиҥ, иһирэх кэпсэтии буолла. Александр Находкин эмиэ «Иистэнньэҥ патриот» бырайыак волонтердарын кытта көрүстэ, кинилэр байыастары өйүүргэ көҕүлээһиннэрин билистэ. Ону тэҥэ Уус Алдан улууһун байыаннай дьайыы киинин волонтердарын кытта көрсүстэ, байыаннай сулууспалаахтары матырыйаалынай уонна өй-санаа өттүнэн өйөөһүн боппуруостарын ырыттылар.
Киэһэтин «Тойон Мүрү» култуура дьиэтигэр улуус актыыбын уонна нэһилиэнньэтин кытта көрсүстэ. Уус Алдан улууһун баһылыга Василий Алексеев Арассыыйа Дьоруойун кытта көрсүһүү олохтоохторго бэлиэ түгэн буолбутун уонна ыччакка холобур буолуоҕун бэлиэтээтэ.
«Биһиги улууспут Александр Находкин курдук биир дойдулаахтарынан киэн туттар. Кини олоҕун суола уонна гражданскай позицията төрөөбүт дойдуга таптал, бэриниилээх буолуу дьиҥ холобура буолар», — диэн кини тоһоҕолоон эттэ.
Сиһилии: https://www.sakha.gov.ru/news/68425
Орто Халыма улууһун борокуратуурата 1-кы группалаах инбэлиит киһини албыннаан уорбут харчыларын — 1,5 мөлүйүөнтэн тахса…
Эти сиикэйдии сиир төһө туһалааҕый? Биитэр киһи доруобуйатыгар буортулаах дуу? Диетологтар уонна технологтар эти ханнык…
Саха сирин Ил Дарханын уонна Бырабыыталыстыбатын дьаһалтатын салайааччыта Георгий Михайлов Мииринэй улууһугар үлэтинэн сылдьар кэмигэр…
СӨ Борокуратуурата тутуу эйгэтигэр үлэлиир «Куб-8» ХЭУо урукку генеральнай дириэктэрин холуобунай дьыалатын бигэргэтэн суукка ыытта.…
Мэдиссиинэҕэ тумуу диэн ыарыы суох. Тумуу (простуда) – ол аата респираторнай-вируснай инфекция (ОРВИ). Ол эбэтэр,…
Сэтинньи 4 күнүттэн 9 күнүгэр диэри Дьокуускайга ыытыллар IX Норуоттар икки ардыларынааҕы киинэ бэстибээлигэр «Фокус:…