Мария Васильева, ЯСИА
Орто Халыма улууһун борокуратуурата 1-кы группалаах инбэлиит киһини албыннаан уорбут харчыларын — 1,5 мөлүйүөнтэн тахса солкуобайы төннөрөр туһугар ирдэбилин суут толору өйөөтө. Харчыны түөкүттэргэ анаан-минээн «дроппер» үлэтин толорооччу дьахтар төлүүр буолла.
Улуус борокуратуурата 1-кы группалаах инбэлиит олохтоох киһи быраабын көмүскүүр сайабылыанньатыгар олоҕуран бэрэбиэркэ ыыппыт. Биллэрин курдук, интэриниэт уонна төлөпүөн түөкүттэрэ албыннаан эмсэҕэлээччиттэн 1 550 000 солкуобайын уоран ылбыттар. Инбэлиит киһи түөкүттэргэ итэҕэйэн, кинилэр эппит баан счеттарыгар харчытын ыыппыт.
Бэрэбиэркэ көрдөрбүтүнэн, уоруллубут харчыны ылааччынан Мурманскай уобалас Умба бөһүөлэгин олохтооҕо дьахтар буолара биллибит. Кини түөкүттэргэ «дроппер» (харчыны бэйэтин счетугар тутан баран, салгыы атын сиргэ ыытар, түөкүттэр суолларын муннарарга көмөлөһөр сирэй) быһыытынан үлэлээбитэ дакаастанна. Онон улуус борокуруорун ирдэбилинэн, суут дьахтартан 1 550 000 солкуобайы эмсэҕэлээбит киһиэхэ төттөрү төлөтөргө быһаарда. Ону хааччыйар туһуттан, эппиэттээччи дьахтар баан счеттара арестанна.
Суут уурааҕа толоруллуута билигин борокуратуура кытаанах хонтуруолугар туруорулунна.
Санатабыт, биллибэт дьонтон төлөпүөнүнэн эбэтэр интэриниэтинэн кэлэр иһитиннэриилэргэ итэҕэйимэҥ, тус харчыгытын ханнык да түгэҥҥэ атыҥ дьоҥҥо ыытымаҥ. Сэрэхтээх буолуҥ!
Саха сиригэр «Куттала суох Арктика — 2027» ыксаллаах быһыыга-майгыга үөрэтэр эрчиллиилэргэ бэлэмнэниини дьүүллэстилэр. Мунньахха Саха…
Сэтинньи 3-12 күннэригэр дойду үрдүнэн «Улахан этнографическай дьыктаан» XI норуоттар икки ардыларынааҕы аахсыйа ыытыллыаҕа. Саха…
Биир үтүө күн үлэбитигэр тыаттан биир дьахтар киирэн кэллэ. “Кыргыттаар, миигиттэн тахсан идэһэтэ ылыҥ, бэйэҕит…
Олох-дьаһах хомунаалынай хаһаайыстыбатын уонна энергетикатын министиэристибэтин иһитиннэриитинэн, алтынньы 28 күнүттэн Амма улууһугар Харбалаах чоҕун хостуур…
Алтынньы 17 күнүгэр "Уран уйулҕа" духуобунай киинигэр бэрт ураты истиҥ-иһирэх, сэргэх көрсүhүү буолан ааста. Бу…
Эти сиикэйдии сиир төһө туһалааҕый? Биитэр киһи доруобуйатыгар буортулаах дуу? Диетологтар уонна технологтар эти ханнык…