Ил Дархан пресс-сулууспатын хаартыската
Бу күннэргэ Уус Алдан улууһун Балаҕаннаах диэн сиригэр урукку Байаҕантай улууһун баһылыга Савва Егоров 1848-1852 сс. олорбут дьиэтин чөлүгэр түһэриини саҕалаатылар. Эбийиэги Ил Дархан Айсен Николаев көҕүлээбит «Пааматынньыктары харыстыахха» бырайыак чэрчитинэн чөлүгэр түһэрэллэр.
Савва Егоров дьиэтэ арыый сэнэх буолан, интерьерын сорох чаастара оннунан хаалбыттар. Дьиэ аттыгар туос ураһа биир остуолбата туран хаалбыт, бу билиҥҥи үйэҕэ олус сэдэх көстүү буолар. Дьиэ тулата тупсарыллан оҥоһуллуо.
Чөлүгэр түһэрии үлэтин «Уран» дизайн-студия» ХЭУо толоруо. Билиҥҥитэ маастар Владимир Чахов салалтатынан биригээдэ үлэлии сылдьар. Үлэни бүтүннүү быйыл сайын бэс ыйын бүтүүтэ бүтэрэргэ былаанныыллар.
Пааматынньыгы чөлүгэр түһэрии үбүн былырыын, муус устар 18 күнүгэр, аан дойдутааҕы пааматынньыктар уонна историческай миэстэлэр күннэригэр телемарофон кэмигэр хомуйбуттара. Онно барыта 1,1 мөл. солк. тахса үп хомуллубута.
Бырайыагы сүрүннээччинэн өрөспүүбүлүкэ Бырабыыталыстыбатын бэрэссэдээтэлин солбуйааччы Сергей Местников, оттон телемарафону тэрийээччинэн Саха сирин култуурунай нэһилиэстибэтин эбийиэктэрин харыстыыр департамент, Устуоруйа уонна култуура пааматынньыктарын харыстыыр бүтүн Арассыыйатааҕы уопсастыба Саха сиринээҕи салаата, Уус Алдан оройуонун дьаһалтата уонна «Саха» НКИХ буолаллар.
Ил Дархан пресс-сулууспата
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…