Салгыы
Уус Алдан улууһун Тумул сэлиэнньэтигэр оскуола-уһуйаан тутуутун саҕалаатылар

Уус Алдан улууһун Тумул сэлиэнньэтигэр оскуола-уһуйаан тутуутун саҕалаатылар

12.04.2023, 14:29
Хаартыска: www.sakha.gov.ru
Бөлөххө киир:

Уус Алдан улууһун Тумул сэлиэнньэтигэр 90/40 миэстэлээх саҥа оскуола-уһуйаан тутуутун бастакы сыбаайатын түһэрдилэр.

Тумул сэлиэнньэтигэр тутуллар икки мэндиэмэннээх эбийиэк оскуолата 90 миэстэлээх, уһуйаана 40 оҕоҕо суоттанар. Уопсай иэнэ 3,2 тыһ. кв.м. тахса.

Хаартыска: www.sakha.gov.ru

Бырайыагы оҥорооччулар этэллэринэн, үөрэх кыһатыгар киэҥ үөрэнэр кэбиниэттэр, успуорт саала, душ, үлэһиттэргэ аналлаах хос, 50 миэстэлээх эбиэттиир саала, маһынан уһанарга аналлаах мастарыскыай, дьиэни-уоту көрүүгэ-истиигэ үөрэтэр (домоводство) кэбиниэт, быраас кэбиниэтэ, сервернай уонна 60 миэстэлээх аактабай саала баар буолуоҕа. Үөрэнээччилэр аныгы ирдэбилинэн хааччыллыбыт химия, биология, физика уонна информатика кэбиниэттэригэр дьарыктаныахтара.

Хаартыска: www.sakha.gov.ru

Саҥа эбийиэк 2023-2025 сылларга Саха сиригэр инвестиционнай бырагырааманы олоххо киллэрии иитинэн тутуллар диэн тутуу министиэристибэтигэр иһитиннэрдилэр.

СӨ Ил Дархана Айсен Николаев сорудаҕынан быйыл саамай элбэх үөрэх тэрилтэтин – 20 оскуоланы уонна алта уһуйааны үлэҕэ киллэрэр былааннаахтар.

Ил Дархан уонна Бырабыыталыстыба пресс-сулууспата.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
25 июля
  • 24°C
  • Ощущается: 24°Влажность: 69% Скорость ветра: 3 м/с

Сообщить об опечатке

Текст, который будет отправлен нашим редакторам: