Хаартыска: видеоттан-скрин
Үһүс нэдиэлэтин устата Булуҥ улууһугар Уус Өлөөн нэһилиэгэр бэйдиэлээбит үрүҥ эһэни ыраах киэр кыйдыахтара. Бу туһунан от ыйын 12 күнүгэр СӨ Экологияҕа, айылҕаны харыстааһыҥҥа уонна ойуур хаһаайыстыбатын министиэристибэтигэр иһитиннэрдилэр.
«От ыйын 12 күнүгэр көрдөһүүлээх Арассыыйатааҕы айылҕа харыстабылын министиэристибэтин ураты харыстыыр территорияларын департаменыгар тахсыбыппыт. Уус-Ленскэй федеральнай заповедник үлэһиттэригэр уһун кэм устата «ыалдьыттаабыт» үрүҥ эһэни айылҕатыгар үүрэргэ көмө оҥорорго сорудахтанна. Сотору кэминэн иниспиэктэрдэр Уус Өлөөн сэлиэнньэтигэр мотуордаах оҥочолорунан айаннаан кэлиэхтэрэ уонна нэһилиэнньэни кытта сөптөөх дьаһаллары ылыахтара», — диэн Экология, айылҕа харыстабылын уонна ойуур хаһаайыстыбатын министиэристибэтин экологическай сырдатыыга уонна ООПТ салайыыга департаменын салайааччытын солбуйааччы Гаврил Иванов кэпсээтэ.
Кини этэринэн, үрүҥ эһэ 1,5 саастаах курдук. Маннык саастарыгар эһэлэр онум-маны олус интэриэһиргииллэр уонна чэпчэкитик тулалыыр эйгэҕэ үөрэнэллэр диэн министиэристибэ үлэһитэ бэлиэтээтэ. Үксүн эһэлэр дьонтон куттаналлар, ол эрээри ас көрдөөн нэһилиэнньэлээх пууннарга киириэхтэрин сөп. Кинилэри ас-үөл тобохторо, бөх-сах, балыгы ыраастыыр миэстэлэр, о.д.а. сирдэр угуйуохтарын сөп диэн Гаврил Иванов быһаарда. Адьырҕа кыылы түктэрэргэ, сүөһү аһылыгын, о.д.а. атыны кистиэххэ наада диэн быһаардылар. Ону кытта Ону таһынан эһэлэр олус улахан тыастан куттаналлар. Ол эрээри олохтоохтор «Маяк Арктики» редакциятыгар кэпсээбиттэринэн, кинилэр «ыалдьыттара» бэл, номнуо анал свисток тыаһыгар кытта аахайбат буолбут.
Садын оройуонун (билиҥҥитэ Мииринэй) Ботуобуйа сирэ-дойдута былыр былыргыттан дьон аймах сөбүлээн олохсуйбут сирэ буолар. Олохтоохтор…
Аҕа дойду сэриитигэр Улуу Кыайыы үбүлүөйдээх 80 сылын тэрээһиннэрин түмүктүүр "Уоттаах сэрии сылларыгар" кинигэ биһирэмэ…
СӨ Бырабыыталыстыбатын Бэрэссэдээтэлин бастакы солбуйааччы Дьулустаан Борисов "Үтүө санаа харыйата" аахсыйаҕа кыттыыны ылла. Адаптивнай үөрэх…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Хаарчаана бэлэҕэ"…
Бастыҥ волонтерскай көҕүлээһиннэр уонна устудьуоннар түмсүүлэрэ "Уһук Илин сулуһа" бириэмийэнэн бэлиэтэннилэр. РФ Бырабыыталыстыбатыгар сыл ахсын…
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…