Хаартыска sakha.gov.ru ылылынна.
Уус Маайа оройуонугар Бырабыыталыстыба отчуота хайдах саҕаланна?
Олунньу 8 күнүгэр Саха сирин урбааҥҥа, эргиэҥҥэ уонна туризмҥа миниистирэ Тимур Ханды баһылыктаах оробуочай бөлөх өрөспүүбүлүкэ Бырабыыталыстыбатын 2022 сыллааҕы үлэтин отчуотун Уус Маайа оройуонун Петропавловскай сэлиэнньэтин олохтоохторугар туруорда.
Тыа сирин олохтоохторо уотунан, сылааһынан хааччыйыы, интэриниэт быыстала суох үлэтин, байыаннай эпэрээссийэ, хамнас төлөбүрүн үрдэтии, суолу тутуу боппуруостарын туруорустулар. Өрөспүүбүлүкэ судаарыстыбаннай былааһын ситэриилээх уорганын оробуочай бөлөҕүн чилиэннэрэ ыйытыыларга сиһилии хоруйдаатылар.
Отчуокка биир сүрүн боппуруоһунан оройуон киинигэр – Уус Маайаҕа тиийэр суолу өрөмүөннээһин буолла. Бу боппуруос быһаарыллыаҕа. Ол курдук, “Амма — Уус Маайа” массыына суолугар 3 км усталаах учаастагын суол оҥорооччулар быйыл өрөмүөннүөхтэрэ.
Салгыы отчуокка үс кыра бөлөҕүнэн хайдыһан, Уус Маайа оройуонун барытын хабыаҕа: бастакы бөлөҕү миниистир Тимур Ханды, иккиһи – СӨ Үлэҕэ уонна социальнай сайдыыга миниистирин бастакы солбуйааччы Альбина Трубина, үсүһү – СӨ Тас сибээскэ уонна норуоттар дьыалаларыгар миниистири солбуйааччы Татьяна Пяткина салайыахтара.
Олунньу 9 күнүгэр бастакы бөлөх Күп уонна Эльдикээн сэлиэнньэлэригэр, иккис – ыраах сытар Югоренок уонна Солнечнай, үһүс – Белькачи уонна Уус Миил сэлиэнньэлэригэр отчуоттуохтара.
Олунньу 10 күнүгэр бастакы бөлөх Эдьээҥҥэ, иккис –Звездочка бөһүөлэккэ нэһилиэнньэни кытта көрсүһүөхтэрэ. Ол кэнниттэн, Уус Маайа сэлиэнньэтигэр түмүктүүр отчуот буолуоҕа.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …