Саха сирин суруйааччыларын сойууһа уонна Тааттаҕа И.А.Аргунов аатынан Ытык Күөл киин бибилэтиэкэтин тэрийиилэринэн норуодунай суруйааччы В.Е.Васильев — Харысхал «Ааспыт кэм аартыктарынан» диэн кинигэтин тула бэрт сэргэх кэпсэтии ыытылынна.
Тэрээһини Баайаҕа модельнай бибилэтиэкэтин иһинэн тэриллэн үлэлиир «Көмүлүөк күлүмэ» литературнай түмсүү тэрийэн, иилээн-саҕалаан ыытта.
В.Е.Васильев-Харысхал “Ааспыт кэм аартыктарынан” кинигэтэ 2021 сыллаахха бэчээттэнэн тахсыбыта уонна ааҕааччылар болҕомтолорун тута тардыбыта. Кинигэҕэ репрессияҕа түбэспит саха бастакы үөрэхтээх дьонун тустарынан, кинилэр көрсүбүт уустук, ыарахан кэмнэрин, дьылҕаларын туһунан кэпсэнэр. Тэрээһиҥҥэ мустубут дьон тус санааларын, көрүүлэрин үллэһиннилэр. Кинилэр сытыы бөрүөлээх суруйааччы, СӨ култууратын үтүөлээх үлэһитэ Василий Егорович Васильев — Харысхал саха литературатыгар, тыйаатыр, киинэ ускуустубатыгар киллэрсибит сүҥкэн кылаатын бэлиэтээтилэр диэн Баайаҕа бибилэтиэкэрэ Александра Кустурова иһитиннэрэр. «Гаврил Андросов В.Е.Васильев — Харысхал общество, былаас, экономика да боппуруостарыгар хорсуннук уонна аһаҕастык санаатын тиэрдибитин эттэ. Бүтүн институт тэҥэ баай нэһилиэстибэтэ хайдах хараллыахтааҕын тула кэпсэтии буола турарын иһитиннэрдэ. “Ааспыт кэм аартыктарынан” айымньыта Ойуунускай “Ааспыт күннэр-дьыллар”, Далан “Дьылҕам миэнэ”, Софрон Данилов “Санаам туймуулара” кинигэлэр кэккэлигэр турар улахан суолтатын ыйда» диэн суруйар.
Тэрээһиҥҥэ «Чолбон» сурунаал сүрүн эрэдээктэрэ, кинигэни көрөн-истэн таһаарбыт Гаврил Андросов, В.Е.Васильевы кытта элбэхтэ алтыспыт, бииргэ үлэлэспит доҕотторо, «Өлүөнэтээҕи холбоһуктаах параходство» АУо дириэктэрдэрин сэбиэтин бэрэссэдээтэлэ А.С.Владимиров, СӨ култуураҕа нэһилиэстибэтин эбийиэктэрин харыстабылын департаменын салайар Н.А.Макаров, уо.д.а. кыттыыны ылбыттар.
Хаартыска СИА
Саха сирин үрдүнэн Улуу Кыайыы 79 сылын көрсө араас тэрээһиннэр ыытыллаллар. Кыайыы күнүн тэрээһиннэрин, мэлдьи…
Бүлүү улууһун Хаҕын нэһилиэгин дьоно-сэргэтэ байыастарга көмөнү оҥорууга көхтөөхтүк кытталлар. Быйыл тэрилтэ үлэһиттэрэ биирдии күннээҕи…
Күн-дьыл туруга бүгүн хайдаҕый? Дьокуускайдааҕы метеосулууспа иһитиннэрэринэн, Халыма-Индигиир оройуоннарыгар сөҥүүтэ суох. Түүнүн Мииринэй, Сунтаар, Ньурба,…
Бүгүн Хаҥалас улууһун Покровскай куоратыгар икки ыйдаах ыраастааһын тэрээһинин уонна уу эбийиэктэрин харыстааһын чэрчитинэн субуотунньук…
Дьокуускай куорат 10-с №-дээх оскуолатын үөрэнээччилэрэ карате-киокусинкайга аан дойдутааҕы күрэхтэһиигэ кыттыахтара диэн СӨ Баһылыгын уонна…
Турция Өрөспүүбүлүкэтин киин куоратыгар Анкараҕа ыам ыйын 5 күнүгэр Кыайыы күнүн көрсө “Өлбөт үйэлээх полк”…