Өлүөхүмэ оройуонугар «Движение первых» оҕолор уонна ыччаттар Бүтүн Арассыыйатааҕы уопсастыбаннай судаарыстыбаннай хамсааһыннарын тэрийэр үлэҕэ куратор исписэлииһэ Валентина Владимировна Торопова оҕолор уонна ыччаттар уопсастыбаннай тэрилтэлэрэ байыаннай сулууспалаахтары өйүүр үлэҕэ көхтөөхтүк кытталларын туһунан кэпсээтэ.
— Күн бүгүн оройуоҥҥа «Движение первых» оҕолор уонна ыччаттар Бүтүн Арассыыйатааҕы уопсастыбаннай судаарыстыбаннай хамсааһыннарын 11 бастакы сүһүөх тэрилтэтэ үлэлиир. Оҕолор бэйэлэрин настаабынньыктарын, иитээччилэрин, учууталларын салайыыларынан Арассыыйа уонна өрөспүүбүлүкэ, улуус тэрийэр аахсыйаларыгар кыттан, араас өрүттээх улахан үлэни ыыталлар, бэйэлэрэ эмиэ санааларыттан көҕүлээн тэрийэллэрэ хайҕаллаах. Холобур, байыаннай эпэрээссийэҕэ сылдьар биир дойдулаах саллааттарбытын өйүүргэ «С любовью из Олекминска» диэн оҕолор аһымал аахсыйаларын кэнсиэрэ үһүстээн буолла.
Оҕолор байыаннай эпэрээссийэҕэ кытта сылдьар биир дойдулаахтарыгар матырыйаалынай көмөлөрүн тэрийэри «Альтаир» оҕо этэрээтин баһаатайдара көҕүлээбиттэрэ. «Альтаир» оҕо этэрээтэ биһиги оройуоммут киэн туттар баар-суох улахан хамсааһына. Бу үһүс кэнсиэргэ куорат оскуолаларын уонна эбии үөрэхтээһин үөрэнээччилэрин сэргэ «Звездочка» уонна «Журавушка» оҕо уһуйааннарын кырачаан иитиллээччилэрэ аан бастаан маннык суолталаах аһымал кэнсиэр сценатыгар таҕыстылар. Кэнсиэргэ бойобуой дьайыылар бэтэрээннэрэ, уоппускаҕа кэлбит байыаннай эпэрээссийэ сулууспалаахтара, кинилэр дьиэ кэргэттэрэ сырыттылар. Оҕолор «Окна Победы», «Стена памяти» уонна «Георгиевскай лиэнтэ» аахсыйаларга өрүүтүн кытталлар. Ааспыт устуоруйаны баарынан ылыныыга суолталаах Пионерия күнүгэр «Салют, Пионерия!» диэн оҕолор уопсастыбаннай тэрилтэлэрин бэстибээлин ыам ыйын 16 күнүгэр ыытаары сылдьабыт.
«Движение первых» оҕолор уонна ыччаттар Бүтүн Арассыыйатааҕы уопсастыбаннай судаарыстыбаннай хамсааһыннарын олохтоох салаатыгар бастакы сүһүөх тэрилтэлэрбитин, бары чилиэннэри, настаабынньыктары, оскуола оҕолорун, Өлүөхүмэтээҕи тиэхиньикуммут устудьуоннарын регистрациялыыр үлэни ыытар соруктаахпыт. Инникитин Арассыыйа, өрөспүүбүлүкэ уонна улуус ыытар бырайыактарыгар улуус ыччата көхтөөх кыттыытын сүрүннүүр, тэрийэр үлэ күүтэр.
Аҕа дойду Улуу сэриитин бэтэрээнэ Петр Константинович Яковлев олохтон туораата. Бу туһунан СӨ Үлэҕэ уонна…
Сокуоннай сааһын туола илик оҕо ийэтэ, оҕо быраабын көмүскүүллэригэр суруйбут суругунан Кэбээйи улууһун борокуратуурата бэрэбиэркэ…
Москва куорат оҕо быраабыгар боломуочунайа Ольга Ярославская бэс ыйыгар оҕолору үөрэтиэххэ баар этэ диэн эппит.…
Усуйааанатааҕы суол учаастагын производственнай баазатын гарааһыгар биир сонун ыалдьыттаннылар. "Дороги Арктики" тэрилтэ Уус Куйгаҕа баар…
Орто Халыма улууһун борокуратуурата доруобуйаларынан хааччахтаах дьон быраабын тутуһууга бэрэбиэркэ ыытта. Улуус үс инбэлиитэ доруобуйаны…
Сомоҕолоһуу күнүгэр Москваҕа «Уһук Илиҥҥи экспресс» пуойас ахсыс төгүлүн Арбатскай-Покровскай лииньийэҕэ таҕыста. Бырайыак «Уһук Илин күннэрэ -…