Валерий Лютай Арассыыйа бэрэсидьиэнин быыбарыгар куоластаата

Афганистан сэриитин бэтэрээннэрин Саха сиринээҕи сойууһун бэрэссэдээтэлэ Валерий Лютай РФ Бэрэсидьиэнин быыбарыгар бэйэтин куолаһын биэрдэ. Кини быыбардыыр учаастага Дьокуускай куорат Автодорожнай уокуругар баар.

«Бүгүн үөрүүнү кытта куоласпын биэрэ кэллим. Мин күүстээх уонна көҥүл Арассыыйа иһин куоластаатым», — диэн Лютай санаатын этиннэ.

РФ Бэрэсидьиэнин быыбара кулун тутар 15-17 күннэригэр буолар. Саха сиригэр 811 быыбардыыр учаастак үлэлиир.