Саха Өрөспүүбүлүкэтин быыһыыр сулууспатын кэлэктиибэ анал байыаннай эпэрээссийэҕэ кыттыыны ыла сылдьар биир дойдулаахтарбытын анал тиэхиньикэнэн, байыаннай-тиэхиньиичэскэй тэриллэринэн, бойобуой уонна күннээҕи туттар тэриллэринэн хааччыйыыга үлэни ыытар. «Итиниэхэ Ил Дархан Айсен Николаев сорудаҕынан СӨ Бырабыыталыстыбата анал үп көрөн үлэ саҕаламмыта», — диир тэрилтэ салайааччыта Василий Васильевич Тарскай. Бу туһунан СӨ үтүөлээх быыһааччыта Василий Васильевич салгыы маннык кэпсиир:
— Ити үлэни тэрийиигэ СӨ Бырабыыталыстыбатын бастакы солбуйааччы Дмитрий Садовников салайааччылаах анал суһал ыстаап салалтатынан үлэлиибит. Ыстаабынан бигэргэммит анал байыаннай-тиэхэньиичэскэй тэриллэри, анал таҥаһы-сабы 44 нүөмэрдээх «Контрактнай система туһунан» федеральнай сокуоҥҥа олоҕуран атыылаһан, байыаннай чаастары уонна мобилизациянан анал байыаннай эпэрээссийэҕэ барар байыастары хааччыйабыт.
Ол курдук бүгүҥҥү күҥҥэ аналлаах таҥаһынан, бастакы мэдиссиинискэй көмөнү оҥорор тэриллэринэн, эминэн, бронежилеттэринэн, кааскаларынан, беспилотниктарынан уо.д.а. атын тэриллэринэн хааччыйар үлэни ыытабыт.
Итини тэҥэ нэһилиэнньэттэн киирбит гуманитарнай көмөнү байыастарга тиэрдиигэ үлэлиир тырааныспар хампаанньаларын кытары үлэлиибит. Хааччыйыы үлэтигэр табаары көрдөөн булан, атыылаһан тустаах байыастарга уонна байыаннай чаастарга суһаллык тиэрдэбит. Бу үлэҕэ кэккэ ыарахаттары көрсөбүт буолан баран, болдьоммут кэмҥэ барытын тиэрдэн иһэбит. Итиниэхэ үгүс атыылааччылар сыаналарын үрдэтэн, сорохтор уһун болдьоххо тиэрдэри мэктиэлииллэр. Ол гынан баран, ити атыылаһар малларбыт биһиги байыастарбытыгар билигин наадалар. Ити тэриллэр, бастатан туран, кинилэр олохторун мэктиэлиир суолталаахтар. Онон кэлэктиип, биир киһи курдук, бары күүһү ууран, бэриллибит сорудаҕы чиэстээхтик толорууга үлэлии-хамныы сылдьабыт.
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…
Өр сылларга эргэ хаарбах дьиэҕэ олорбут Өрөспүүбүлүкэтээҕи (коррекционнай) интэринээт-оскуола үс сыллааҕыта үс этээстээх таас саҥа…
Саха сиригэр 2025 сыл 8 ыйын устата кэҥэтиллибит неонатальнай чинчийии көмөтүнэн, түөрт кыһыл оҕоҕо сэдэх…
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…