www.sakha.gov.ru
Олунньу 22 күнүгэр “Арассыыйа” быыстапка-пуорумҥа 7 мөлүйүөн киһи ыалдьыттаата. Төгүрүк сыыппараны түмүктүүр ыалдьытынан Волгоград уобалаһын Волжскай куорат олохтооҕо Алексей Максимов буолбут.
Кини ВДНХ сиригэр тэриллибит быыстапкаҕа кэргэнинээн Анастасиялыын 4 саастаах Катяны уонна 8 саастаах Варяны илдьэ кэлбиттэр. Быыстапкаҕа иккис күннэрин кэлбиттэр – ааспыт күн Арассыыйа корпорацияларын павильоннарын көрбүттэр, чэппиэргэ эрэгийиэннэргэ оҥоһуллар судаарыстыба тутаах бырайыактарын көрдөрөр № 75 павильону көрө кэлбиттэр.
“Москваҕа элбэх сири кэрийдибит, бүгүҥҥү күнү толору Быыстапканы көрүүгэ анаатыбыт. Саҥа саҕалаатыбыт эрээри, оҕолор толору астынан үөрүү-көтүү бөҕөлөрө. Оҕолорбут эрэгийиэннэр павильоннарын көрөн баран, уллаатахтарына Саха сиригэр эбэтэр Халымаҕа көһөр туһунан былааннаннылар. Бүтэһиктээх быһаарыныыны ыла иликтэр”, диэн кэпсиир Алексей.
Максимовтар дьиэ кэргэнин быыстапка дириэктэрэ Наталья Виртуозова эҕэрдэлээтэ. “Үбүлүөйдээх” ыалдьыкка бэлэх туттардылар — “Энергия Ладоги” дьиэ кэргэнинэн айанныыр сынньанар тур. Тур иһинэн Ленинград уобалаһын кырдьаҕас куораттарын, кириэппэстэрин, манастыырдарын кэрийиэххэ сөп.
Бу нэдиэлэҕэ ыалдьыт ахсаана хаһааҥҥытааҕар да элбэх – үлэ күннэригэр маннык элбэх киһи кэлэрин өссө бэлиэтии илик этибит. Бу оскуола сайыҥҥы сынньалаҥнара саҕаламмыттарынан уонна саас чугаһаан сылаас күннэр кэлбиттэринэн буолуо диэн быһаарабыт. Төрөппүттэр оҕолорун илдьэ кэлэн Арассыыйа араас эрэгийиэннэрин ситиһиилэрин кытта билсиэхтэрэ.
Бу туһунан сиһилии манна ааҕыаххытын сөп.
Донецкай норуодунай өрөспүүбүлүкэ Еленовка бөһүөлэгэр Култуура дьиэтин үөрүүлээх аһыллыыта буолла. Манна Саха сирин артыыстара кыттыыны…
Суолу баттаһа оттугунан-уматыгынан хааччылыы хоту улуустарга тыын боппуруоһунан буолар. Аллайыаха улууһун Быйаҥныыр нэһилиэгэр хомунаалынай хаһаайыстыбаҕа…
Дьокуускайга ыам ыйын 10 күнүгэр элбэх кыбартыыралаах дьиэ тохсус этээһиттэн түөрт саастаах уол оҕо сууллубута.…
СӨ экологияҕа министиэристибэтэ Дьааҥы улууһугар ойуур баһаардарыттан уустук балаһыанньа буолбутунан сибээстээн, булт сезонун тохтотор туһунан…
Өлүөнэ өрүс мууһун алын кирбиитэ Ленскэй куораттан 10 км аллараа устар, үрдүкү кирбиитэ Ленскэй оройуон…
Ааспыт сууккаҕа Саха сиригэр 11 буруйу оҥоруу бэлиэтэммитин туһунан СӨ Борокуратуурата иһитиннэрэр. 1986 с.т. эр…