Хаартыска: Андрей Сорокин, СИА
РФ Уһук Илин уонна Арктика сайдыытын миниистирэ Алексей Чекунков «Уһук Илин уулуссата» быыстапкаҕа Саха сирин былаһааккатыгар сырытта. Киниэхэ Саха сирин урбаанньыттара оҥорон таһаарбыт байыаннай бородууксуйаларын көрдөрдүлэр, өрөспүүбүлүкэ инвестиционнай бырайыактарын билиһиннэрдилэр. Итиэннэ миниистир мас тардыһыыга «Колмар» хампаанньа Куубагын арыйда.
Ол курдук, бастатан туран Алексей Чекунков Саха сирин урбаанньыттара оҥорон таһаарбыт байыаннай таҥастарын, тиэхиньикэлэрин быыстапкаларын көрдө. Манна «Сокол» квадроцикл, «Томтор» харыстыыр бүрүөһүн, хонууга туттуллар оһох, хаххалыыр сиэккэ уо.д.а тэриллэр бааллар. СӨ Бырабыыталыстыбатын бэрэссэдээтэлин бастакы солбуйааччы Кирилл Бычков кэпсээбитинэн, Саха сирин хампаанньалара оҥорбут бородууксуйалара номнуо байыаннай эпэрээссийэҕэ туһаныллаллар.
Салҕыы миниистир өрөспүүбүлүкэ инвестиционнай бырайыактарын сырдатар былаһааккатыгар сырытта. Алексей Чекунковка 2024 сылга Дьокуускайга ыытыллыахтаах «Азия оҕолоро» норуоттар икки ардыларынааҕы ахсыс оонньуулар тустарынан билиһиннэрдилэр.
Ону тэҥэ, миниистир Саха сирин балаһааккатыгар мас тардыһыыга «Колмар» хампаанньа Куубагын арыйда. Кини мас тардыһыы Арассыыйаҕа эрэ буолбакка, аан дойдуга барытыгар киэҥник биллэн эрэрин бэлиэтээтэ.
СӨ Бырабыыталыстыбатын бэрэссэдээтэлин бастакы солбуйааччы Кирилл Бычков эппитинэн, Илиҥҥи экэнэмиичэскэй пуорумҥа турбут бырайыактарга Алексей Чекунков үрдүк сыанабылы биэрбит.
«Алексей Олегович Саха сиригэр оҥоһуллар бырайыактары үчүгэйдик билэр, сэргиир. Итиэннэ бүгүн Дойду бэрэсидьиэнэ Владимир Путин Саха сирэ Арассыыйа атын эрэгийиэннэригэр айар үлэ индустриятын сайыннарыытыгар холобур буоларын эттэ. Миниистир биһиэхэ үрдүк сыанабылы биэрдэ», — диэн Бычков эттэ.
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.