Андрей Сорокин хаартыската, СИА.
Илиҥҥи экэнэмиичэскэй пуорум кэмигэр барыта 3,818 трлн солкуобай суумалаах 373 сөбүлэһиигэ илии баттаммытын туһунан Москваҕа пресс-кэмпириэнсийэҕэ РФ Бырабыыталыстыбатын бэрэссэдээтэлин солбуйааччы – Уһук Илин Федеральнай уокурукка РФ бэрэсидьиэнин боломуочуйалаах бэрэстэбиитэлэ Юрий Трутнев иһитиннэрдэ диэн ТАСС суруйар.
«3 трлн 818 млрд солкуобай суумалаах 373 сөбүлэһиигэ илии баттанна. Бу 3 трлн солкуобайдаах сөбүлэһиилэр барыта олоххо киириэхтэрэ диэбэппит. Мантан «туһалаах бородууктаҕа» тахсыыта» 70% тэҥэ буолуохтаах», — диэтэ кини.
Трутнев этэринэн, ВЭФ үлэтин түмүгүнэн инвестиция үгүс көрүҥүн Амурскай уобалас ылыаҕа — 173 млрд. солк. Итиэннэ «Уһук Илиҥҥи кыбартаал» үнүстүрүмүөнү тутуһан олорор дьиэни тутууга хас да сөбүлэһии баттанна.
Пуорум хонуутугар Кытай «Шанхай Йа Дзи» хампаанньатын кытта сөбүлэһии түһэрилиннэ. Бу хампаанньа Амурскай уобаласка Арассыыйаҕа бастакынан портовой тэрили оҥорор собуоту тутуоҕа. Приморьеҕа «Русский» инновационнай научнай-технологическай кииҥҥэ технопаарка тутууга, Хабаровскайга Тихоокеанскай судаарыстыбаннай университет баазатыгар үрдүк үөрэхтэр икки ардыларынааҕы кампуһу тэрийиигэ концессионнай сөбүлэһиилэргэ илии баттаспыттара.
Оттон былырыыҥҥы пуорумҥа 3,27 трлн солкуобай суумалаах 290 сөбүлэһиигэ илии баттаспыттар.
Юрий Трутнев этэринэн, ВЭФ-ка 62 дойдуттан 7 тыһыынчаттан тахса киһи кыттыыны ылбыт. Ол иһигэр, АХШ-ттан, Великобританияттан, Японияттан, Германияттан, Францияттан кыттыбыттар.
Оҕуруот аһын сыаната мантан күһүн өссө түһүөҕэ. Билигин помидор сыаната киилэтигэр 15-200 солкуобайга халбаҥныыр, кабачок…
«Национальнай Лотерея» «Мечталлион» лотерея 154-с тираһын Саха сириттэн кыайыылааҕын көрдүүр. Кыайыылаах биир мөлүйүөн солкуобайы сүүйбүт…
Бастакы кылааска киирэн баран, оҕо уутун хаммат, начаас сылайар, уруок ааҕыан баҕарбат буоллаҕына, оҕону ыгар-түүрэр…
Илиҥҥи экэнэмиичэскэй пуорум «Уһук Илин сайдыытын күүһэ – үөрэхтээһин» диэн сессиятыгар СӨ Бэрэссэдээтэлин солбуйааччыта Анатолий…
Быйыл саахсаланан ыал буолбуттар, 50 эбэтэр онтон элбэх сыл олорбут Арассыыйа дьиэ кэргэттэрэ, эрэгийиэн таһымыгар…
Саха сиригэр биллэр уопсастыбанньык, адаптивнай күрэсчит, 1 группалаах инбэлиит, диализтаах уонна уорганнарын көһөртөрбүт ыарыһахтар уопсастыбаларын…