ВИДЕО: Бэтэринээр хаһан баҕарар бэтэринээр — Владимир Петров туора турбата

Бэс ыйын биир үтүө куйаас күнүгэр Сунтаар нэһилиэгин кырдьаҕас олохтооҕо, бэтэринээринэй сулууспа бэтэрээн үлэһитэ Владимир Гаврильевич Петров уопсай дьиэлэр аттыларыгар ынах төрүү сытарын көрөн, тутатына көмөлөһөн, ынаҕы төрөттө. Бу туһунан СӨ Бэтэринээрийэ сулууспатын пресс-сулууспата иһитиннэрэр.

Владимир Гаврильевич бэлиэр 86 хаарыгар үктэммитэ. Өр сылларга бэтэринээринэн үтүө суобастаахтык үлэлээбитэ, бэйэтэ эмиэ сүөһү-сылгы тута сылдьыбыта. Инньэ гынан, ынах барахсан уопуттаах илиигэ түбэһэн, этэҥҥэ быыһанна. Ону тэҥэ саҥа төрөөбүт тарбыйаҕы ыттар тутуохтара диэн, хаһаайыттара кэлэн ылыахтарыгар диэри, тарбыйахтаах ынаҕы манаан турда. Владимир Гаврильевич миэдиктэр күннэригэр төрөөбүт тарбыйаҕы «Медик» диэн ааттыылларыгар санаатын эттэ.