ВИДЕО: Кыталык оҕото 1500 км айаннаан куораты булла

Балаҕан ыйын бүтүүтэ Усуйаана улууһугар олохтоохтор Кыһыл Кинигэҕэ киллэриллибит сэдэх көтөрү, соҕотох сылдьар кыталык   оҕотун булбуттара.

Удьуор диэн ааттаммыт кыталык оҕото  1500 км айаннаан, Дьокуускайга аҕалылынна диэн https://t.me/oopt_ykt диэн иһитиннэрдэ. Көтөрү үтүө санаалаах дьон арыаллаатылар, ол иһигэр экологтар,  родовой община бэрэстэбиитэллэрэ, Усуйаана олохтоохторо,   «Нордголд», «Полярные авиалинии», «СВТ-транс», «Аэропорты Якутии», ФГБУ «Главрыбвод» үлэһиттэрэ.

Салгыы кыталыгы «Орто дойду» зоопааркаҕа илдьиэхтэрэ.