Бүгүн Ил Дархан Айсен Николаев Усуйаана оройуонугар үлэлиир

Усуйаана оройуонугар сир үрдүнээҕи кыра кыамталаах атомнай ыстаансыйа тутуута саҕаланна. Бу туһунан Ил Дархан Айсен Николаев Телеграм-ханаалыгар иһитиннэрдэ.

«Бу ыстаансыйа тутулуннаҕына Уус Куйга бөһүөлэгэ эрэ буолбакка, Саха сирин Арктиката барыта сайдыаҕа. Бүгүн «Росатом» тэрилтэни кытта бииргэ үлэлэһии көмөтүнэн хоту оройуоннарбыт кыахтарын чөлүгэр түһэрэбит. Ыстаансыйа экологическай ыраас нэҥири хааччыйыаҕа, ону сэргэ оройуону сайдыылаах, тупсаҕай оҥоруоҕа», — диэн Ил Дархан бэлиэтээтэ.

Бүгүн ыстаансыйа бастакы эбийиэгин — тутааччылар олорор сирдэрин арыйдылар. Манна 1000-тан тахса киһи олоруоҕа.