Бэҕэһээ, ахсынньы 1 күнүгэр, Сунтаар сэлиэнньэтигэр «Кыһын Саха сириттэн саҕаланар» бэстибээл иитинэн, саҥардыллан оҥоһуллубут В.И. Ленин болуоссата үөрүүлээх быһыыга-майгыга аһылынна.
Киин болуоссакка үгүс киһи тоҕуоруста. Кэлбит дьоҥҥо эҕэрдэ тылларын улуус баһылыга Анатолий Григорьев уонна Сунтаар сэлиэнньэтин баһылыга Эдуард Филиппов эттилэр.
Бу күн сунтаардар уһуннук күүппүт-кэтэспит түгэннэрэ буолла. Ол курдук, В.И. Ленин аатынан киин болуоссаттара оҥоһуллан, силигэ ситтэ. Саҥардыы үлэтэ «Формирование комфортной городской среды» эрэгийиэннээҕи бырайыак иитинэн ыытылынна.
Ол курдук, ааспыт сылга, муус устар 26 күнүттэн ыам ыйын 30 күнүгэр диэри дойду үрдүнэн уопсастыбаннай территориялары талыыга онлайн-куоластааһын ыытыллыбыта. Талыллыбыт бырайыактар федеральнай үбүлээһин суотугар олоххо киллэрилиннилэр. Саха сирэ 13 нэһилиэнньэлээх пууннар бырайыактарын киллэрбитэ.
Сэлиэнньэ баһылыга Эдуард Филиппов: «Бары сомоҕолоһон сыалбытын ситтибит. Куоластааһыҥҥа Сунтаар олохтоохторо эрэ буолбакка, өрөспүүбүлүкэ үгүс дьоно кыттыбыттара. Салгыы улуус салалтата итиэннэ нэһилиэк дьаһалтатын исписэлиистэрин, Архитектура уонна куораттары тутуу управлениетын бииргэ үлэлээһиннэрин түмүгэр, бу бырайыак олоххо киирдэ», — диэтэ.
Болуоссат «Эйгэ» архитектурнай бюро бырайыагынан оҥоһулунна. Бэдэрээтчит «ВИД» ХЭУо.
Буддистар храмнарын сиригэр-уотугар IQOS электроннай табаҕы тардыбытын иһин Арассыыйа туриһын Таиланҥа 99 сыл устата киллэрбэт…
Саха сириттэн төрүттээх сүүрүккэ Полина Слободчиковаҕа чэпчэки атлетикаҕа Арассыыйатааҕы норуоттар икки ардыларынааҕы кылаастаах успуорт маастарын…
Биллиилээх биир дойдулаахпыт, Ньурбаттан төрүттээх уһулуччулаах учуонай, тиэхиньиичэскэй билим дуоктара, Космонавтика академиятын академига Василий Васильевич…
Сэтинньи 7 күнүгэр, түүн 03:04 чааска, баһаарынай-быыһыыр сулууспаҕа Муомаҕа Хонуу сэлиэнньэтигэр, Сэбиэскэй уулуссаҕа баар чааһынай…
Ю.А.Готовцев аатынан Дьокуускайдааҕы өҥө технологическай тиэхиньикума уонна Казахстан Өрөспүүбүлүкэтин Астана куоратын Казахстаннааҕы потребительскай сойуус үрдүкү…
«Мисс Вселенная-2025» аан дойдутааҕы кэрэ кыргыттар күрэхтэрэ бу сыл сэтинньи 21 күнүгэр Таилаҥҥа ыытыллыаҕа. Мода…