ВИДЕО: Ытарҕалаах үрэх «уһуктан», майалары үөртэ

Саас кэлэн, дьон-сэргэ сааскы ириэриини кэтээн көрөр, айылҕа уһуктуутун көрөн үөрэр кэрэхсэбиллээх кэмэ үүннэ.  

Майа сэлиэнньэтин дьаһалтатын телеграм-ханаалыгар олохтоохтор  Ытарҕалаах үрэх «уһуктуутун», саас кэлбитин уруйдаан-айхаллаан, кылыгырыы устан эрэрин уһулбут видеолара таҕыста. Бу үрэх  улахан Эбэни кытта холбоһон, салгыы уста туруоҕа.

«Бу сарсыарда Майа алааһын олохтоохторо бу түгэни үөрэ-көтө, эҕэрдэлии көрүстүлэр. Мантан инньэ сааскы халаан уута хаатын булан, этэҥҥэ устарыгар баҕарыаҕыҥ«, — диэн майалар баҕа санааларыгар кыттыһан, өрүстэрбит, үрэхтэрбит этэҥҥэ улахан тыаһа-ууһа суох устан ааһалларыгар баҕарабыт.