Ааптар хаартыската
Бүгүҥҥүттэн Тыа хаһаайыстыбатын оҥорон таһаарааччыларын сийиэһэ саҕаланна. 400-чэ киһи дэлэгээт буоллулар.
Олор ортолоругар бастыҥ үлэлээх, гран хаһаайына, Чурапчы улууһун Мырыла нэһилиэгин «Эргиc» бааһынай хаһаайыстыба салайааччыта Виктор Петров баар. Кини үлэтин-хамнаһын туһунан маннык кэпсиир:
— Биһиги ынах-сүөһүнэн онус сылын дьарыктанабыт. Граннар, субсидиялар бааллара олус үчүгэй, биһиги хаһаайыстыбабытын араас бырагыраамаҕа кыттан сайыннарабыт. Быйыл «Дьиэ кэргэн хаһаайыстыбатын сайыннарыы» диэн граны ыллым. Бу граннар тыа хаһаайыстыбатын сайыннарарбытыгар, элбэх бородууксуйаны ыларбытыгар аналлаахтар, онно күүс-көмө буолаллар.
Биһиги бородууксуйабытын «Чурапчы» ТХКХ туттарабыт, эккэ-үүккэ кинилэри кытары дуогабардаахпын. Маннык сийиэс ыытыллара тыа хаһаайыстыбатын оҥорон таһаарааччыларыгар олус суолталаах, элбэҕи билэҕин, элбэх киһини кытары билсэбит, уопут атастаһабыт. Элбэх идиэйэ киирэр, ону олоххо киллэрэргэ дьулуһаҕын.
Саҥа сокуонунан, мин санаабар, үп-харчы тиийиитэ бытаарда. Харчы хойутаан хамсааһына биһигини, оҥорон таһаарааччылары, аһара атахтыыр. Хойутааһынтан сылтаан иэскэ киириэхпитин, «иэс дьааматыгар» олорон хаалыахпытын сөп. Онтон тахсар сүрдээх уустук, ыарахан буолар. Холобур, үүт харчыта туһааннаах хаһаайыстыбаларга саҥа кэллэ.
Мин бастаан тэринэрбэр 28 га сирдээх этим. Билигин бэйэм күүспүнэн сири оҥостон, 400-н тахса га сирдэнним, онон ас баазатын күүскэ сайыннардым. Аны бурдук, сиилэс ыһыытынан күүскэ үлэлиир былаан баар. Кэнники сылларга улуус пуондатыгар 350 т бэлэмнээтим.
"ОДьКХ" ГУП 23 тыһыынча дьиэҕэ ититиини киллэрбит. Маны таһынан тыһыынчаттан тахса социальнай эбийиэктэр, олор истэригэр оскуолалар,…
Силиэстийэлиир кэмитиэт Халыматааҕы оройуоннар икки ардыларынааҕы силиэстийэлиир отдела РФ Холуобунай кодексын 30 ыст. 3 ч. …
Бүгүн Үөһээ Бүлүү улууһун Үөдүгэй сэл. биир умнуллубат, бэлиэ күн буолан ааста. Ол курдук Механизаторскай…
Ааспыт сыл муус устар ыйыгар өрөспүүбүлүкэ олохтооҕо дьахтар "Хатас" ТХПК туһаайыытынан икки сир уһаайбатын атыыласпыт.…
Арассыыйа Силиэстийэлиир кэмититэтин бэрэссэдээтэлэ Александр Бастрыкин Томпо оройуонугар эр киһи сүппүтүнэн холуобунай дьыала хаамыытын дакылааттыырга…
Эргэ малы-салы мунньар, кэллиэксийэлиир дьон баар буолар. Сорохтор эргэ миэбэли саҥардаллар, тупсараллар. Ретро-мусуойдары батыһа сылдьан…