РФ бэрэсидьиэнин пресс-сулууспата
Дойдубут аҕа баһылыга Владимир Путин Арассыыйа Америка Холбоһуктаах Штаттарын дьаһалтатын кытары кэпсэтииттэн хаһан да аккаастамматаҕын, Украинаны кытары иирсиигэ АХШ салалтатын кытары көрсүһэр санаалааҕын биллэрдэ.
— Бастатан туран этиэм этэ, Арассыыйа Америка Холбоһуктаах Штаттарын дьаһалтатын кытары кэпсэтэртэн хаһан да аккаастамматаҕа. АХШ урукку салалтата кэпсэтэртэн куотуммута бу биһиги буруйбут буолбатах, — диэн иһитиннэрдэ Владимир Владимирович суруналыыстары кытары көрсүһүүтүгэр.
Дональд Трамп туһунан этэригэр, Владимир Путин кинини кытары дьыалабыай кэпсэтиини ыытыахха сөбүн эттэ.
— АХШ билиҥҥи бэрэсидьиэнин кытары биһиги дьыалабыай сыһыаннаахпыт. Ону ааһан бэйэ-бэйэбитигэр эрэнэбит диэххэ сөп. Ол эрээри Трамп мин бэрэсидьиэнинэн олорбутум буоллар, Украина иирсээнэ тахсыа суоҕа этэ диэн этиитин утарабын. Дональд Трамп бэйэтин кэмигэр Арассыыйаны утары араас хааччаҕы киллэрбитэ. Бу, биллэн турар, Арассыыйа да, АХШ да экэниэмикэтигэр туһаны аҕалбат, — диэн этэр кини.
Украина иирсээнин туһунан этиитигэр бэрэсидьиэн: “Бу боппуруоска биһиги кэпсэтэргэ бэлэммит. Ол эрээри, манна даҕатан этиим, Киев туох баар кэпсэтиини ыытыыны барытын бобон анал декрет таһааран турар. Бу декретын көтүрдэҕинэ эрэ туох эмэ кэпсэтии тахсыан сөп. Манна Украинаҕа харчы кута олорор судаарыстыбалар улахан оруоллаах буолуохтара. Онон, мин санаабар, бу уонна атын боппуруостарга АХШ бэрэсидьиэнин кытары көрсөн кэпсэтэр сөп”, — диэн иһитиннэрдэ.
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…