Анадолу сайтыттан
Арассыыйа бэрэсидьиэнэ Владимир Путин уонна Турция Өрөспүүбүлүкэтин бэрэсидьиэнэ Реджеп Тайип Эрдоган балаҕан ыйын 4 күнүгэр Сочига көрүстүлэр. Көрсүһүүгэ Владимир Путин бу кэпсэтии икки дойдулар хардарыта үлэлэһиилэригэр улахан суолталааҕын бэлиэтээн эттэ.
Владимир Владимирович Арассыыйа уонна Турция икки ардытыгар табаары эргинии көрдөрүүтэ сылтан-сыл эбиллэн иһэрин бэлиэтээтэ.
— Былырыыҥҥы сыл түмүгүнэн Арассыыйа уонна Турция икки ардыгар табаарынан эргинии 86 бырыһыанынан үрдээбит. Быйыл да ити көрдөрүүттэн түспэккэ турабыт. Оттон эйгэлэринэн ылан көрдөххө, аҥаардас тыа хаһаайыстыбатыгар, энергетикаҕа эрэ буолбакка, атын хайысхаларга эмиэ үлэлэһии элбээбитэ көстөр. Энергетикаҕа Турцияны кытары гаас ситимин тардыыга кэпсэтэн турабыт. Сотору кэминэн бу кэпсэтиилэрбит түмүктэнэн саҥа бырайыагы саҕалыахпыт диэн эрэнэбин. Ону сэргэ “Аккую” диэн атомнай электростанция тутуута салгыы бара турар. Эһиил станция бастакы блогун үлэҕэ киллэрэр былааннаахпыт. Бу бырайыакка билигин 25 тыһыынчаттан тахса киһи үлэлии сылдьар. Тыа хаһаайыстыбатыгар Турцияттан Арассыыйаҕа табаар кэлэрэ элбээтэ. Металлургия хайысхатыгар эмиэ бииргэ үлэлэһиибит үтүө түмүктэрдээх буолла, — диэн этэр Владимир Путин.
Арассыыйа уонна Турция бэрэсидьиэннэрэ итини таһынан көрсүһүүлэригэр Украина, Сирия боппуруостарын, Хара муоранан тыа хаһаайыстыбатын бородууксуйатын таһыы дуогабарын кэпсэттилэр. Бу туһунан сиһилии “Саха сирэ” хаһыат кэлэр нүөмэригэр ааҕаарыҥ.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…