Арассыыйаҕа хомуур түмүктэммитин туһунан РФ бэрэсидьиэнэ Владимир Путин бэҕэһээ, алтынньы 31 күнүгэр, Сочига Азербайджан бэрэсидьиэнин Ильхам Алиевы уонна Армения премьер-миниистирин Никола Пашиняны кытары көрсүһүү кэнниттэн суруналыыстарга иһитиннэрдэ.
“Анал байыаннай эпэрээссийэҕэ хомуур түмүктэммитин туһунан анал ыйааҕы таһаарар наадатын дуу, суоҕун дуу юристары кытары сүбэлэһиэҕим. Хомуур билигин түмүктэннэ, туочука турда”, — диэн иһитиннэрэр Владимир Путин суруналыыстар ыйытыыларыгар. Бэрэсидьиэн этэринэн, билигин 259 тыһыынча саллаат анал үөрэххэ сылдьар.
Санатан суруйдахха, Арассыыйа бэрэсидьиэнэ бэҕэһээ Сочига Азербайджан бэрэсидьиэнин Ильхам Алиевы уонна Армения премьер-миниистирин Никола Пашиняны кытары көрсөн кэпсэттэ. Көрсүһүү кэмигэр Азербайджан уонна Армения сыһыаннарын, Украинаттан бурдугу таһаарыы, о.д.а. тустарынан кэпсэттилэр. Владимир Путин бэлиэтииринэн, билигин да бурдук дьадаҥы дойдуларга үс-түөрт эрэ бырыһыана тиийэ олорор. Бэрэсидьиэн Украина эппит тылыгар турбатын, Арассыыйа бурдугу таһыы бырагырааматыттан тахсарын иһитиннэрдэ.
Оҕо эрдэххэ дьаабылыка сыта, мандарин амтана наһаа да минньигэс уонна ураты буолара. Саҥа дьыл үөрүүтүн,…
Сыл – хонук. Номнуо үйэ чиэппэрэ ааһа охсубут. Оттон киэн туттан бүгүн кэпсээри оҥостор киһибит …
Горнай улууһун Одуну нэһилиэгэр айрширскай боруодалаах ынах бастакы ньирэйин төрөппүтүн туһунан "Үлэ күүһэ" хаһыат телеграм-ханаала…
"Сахафильм" киинэ хампаанньата уонна СӨ Национальнай бибилэтиэкэ 10 сахалыы киинэни босхо көрдөрөллөр. "Киинэни ааҕабыт!" аахсыйа…
Саха киинэтэ 1990 сылтан силис-мутук тардар. Бу сыл “Северфильм” киинэ устуудьуйата тэриллибитэ, ол 1992 сыллаахха…
Нейросеть Дьыл Оҕуһун оҥордо диэн ЯкутияDaily иһитиннэрэр: https://t.me/yakutiadaily/45038