Хаартыска: СИА
РФ Бэрэсидьиэнэ Владимир Путин саппааска сылдьар дьону байыаннай хомуурга ыҥырар туһунан Ыйаахха илии баттаабытын туһунан ТАСС суруйар. Маннык Ыйаах сылын аайы тахсар.
«2024 сылга саппааска баар дойду гражданнарын РФ Сэбилэниилээх Күүстэригэр, РФ Национальнай гвардиятыгар, судаарыстыбаннай харабыл уонна куттал суох буолуутун федеральнай сулууспатын уорганнарыгар байыаннай хомуурга ыҥырарга», — диэн Ыйаахха этиллэр.
Дойду Бырабыыталыстыбатыгар уонна Арассыыйа субъектарын ситэриилээх былааһын уорганнарыгар саппааска баар дойду гражданнарын байыаннай хомуурга туһуламмыт дьаһаллары толорууну хааччыйарга сорудахтаата.
Байыаннай хомуурдар сыл ахсын ыытыллаллар. Бу Сэбилэниилээх күүстэрин кэккэтигэр сулууспалаабыт гражданнар үөрүйэхтэрин чөлүгэр түһэриигэ туһуланаллар. Байыаннай хомуурга, быраабыла ирдэбилинэн, быстах сулууспаҕа эбэтэр үөрэх кэмигэр идэҕэ ирдэбиллэри баһылаабыт байыастары ылаллар. Маны сэргэ байыаннай хомуур байыаннай сулууспаттан босхоломмут дьону эмиэ таарыйар эбэтэр болдьоҕун уһаппыттарга.
Ол курдук, Бэрэсидьиэн Ыйааҕар олоҕуран, мобилизационнай управление эрэгийиэннэр военкоматтарыгар байыаннай хомуур туһунан директивалары уонна сорудахтары бэлэмниир. Ол кэнниттэн саппааска баар дойду гражданнарынан тарҕатыы саҕаланар. Онон байыаннай хомуурга ыҥырыы сурук (бэбиэскэ) үс сылга устата биирдэ кэлиэн сөп. Ити курдук, резервистарга байыаннай хомуурга бэбиэскэни кумааҕы көрүҥүнэн эрэ ыытыллара биллэр.
2023 сыл ыам ыйыгар байыаннай эспиэр Виктор Литовкин быһаарбытынан, байыаннай хомуур болдьоҕо икки ыйтан ордубат. Итини сэргэ байыаннай дьайыы зонатыгар резервистэри ыытыы көрүллүбэт.
Санаттахха, былырыын от ыйыгар Владимир Путин алын байыаннай званиелаах гражданнары байыаннай хомуурга ыҥырыллар саастарын биэс сылга үрдэтэр туһунан сокуоҥҥа илии баттаабыта. Сокуон саллааттары, мотуруостары, сержаннары, старшиналары, прапорщиктары уонна мичманнары кытта сыһыаннаах.
2024 сыл тохсунньу 1 күнүттэн саппааска сылдьар дойду гражданнарын байыаннай хомуурга ыҥырыыга саастарынан болдьохторун бастакы разрядка — 35- тэн 40-гэр диэри, иккискэ — 45-тэн 50- гэр диэри, үһүскэ — 50-тан 55- гэр диэри улаатыннарыллыбыта.
Оҕурсу итии дойдуттан төрүттээх үүнээйи буоларын быһыытынан, Саха сиригэр тэпилииссэҕэ ордук үчүгэйдик үүнэр, астанар. Хас…
Махталлаах буолуу мындыр өй туоһута. Уруккуну умуннахха муммут, ааспыты ахтыбатаххына хаалбыт буолаҕын диэн норуот уос…
Хаҥалас улууһун орто оскуолаларын 1985 сыллаахха бүтэрбит выпускниктар араас үтүө дьыаланы тэрийэн ыыталлара үгэскэ кубулуйда. …
ЫБММ Саха сиринээҕи кылаабынай управлениетыгар Дьокуускайга Ушаков уулуссаҕа баар рестобар умайбытын туһунан иһитиннэрии киирбит. Баһаарга…
“Надежда” үҥкүү-успуорт кулуубун эдэр спортсменнара, А.Г. уонна Н.К. Чиряевтар ааттарынан Дьокуускай куораттааҕы национальнай гимназия алын…
Оҕуруот аһыттан үрдүк үүнүүнү ыларга көрүүнү-харайыыны тэҥэ, араас биологическай препараттары, норуот ньымаларын туттар туһалаах. Битоксибациллин…