РФ бэрэсидьиэнэ Владимир Путин бэҕэһээ, сэтинньи 16 күнүгэр, бырабыыталыстыба чилиэннэрин кытары мунньах ыытта. Мунньахха бырамыысыланнас, атыы-тутуу миниистирэ Денис Мантуров байыаннайдар массыына ылалларыгар чэпчэтиини көрүөххэ наадатын туһунан иһитиннэрдэ.
Миниистир Денис Мантуров бэлиэтээбитинэн, бу анал бырагыраама байыаннайдарга, ол иһигэр мобилизацияҕа барбыт саллааттарга, биэнсийэҕэ тахсыбыт байыаннайдарга, ону сэргэ кинилэр дьиэ кэргэттэригэр барыларыгар үлэлиэҕэ.
Владимир Путин миниистир этиилэрин өйөөтө. “Массыына сыаната үрдээн иһэр, онон маннык чэпчэтиилээх бырагырааманы киллэрии сөптөөх. Мин өйүүбүн”, — диэн иһитиннэрдэ кини.
Ол эрээри, бэрэсидьиэн этиитинэн, бу бырагыраама киирдэҕинэ массыына сыанатыгар хонтуруол күүһүрүөхтээх.
— Билиҥҥи кэмҥэ бэйэбит оҥорон таһаарар тимир көлөбүтүн дойдубут хас биирдии олохтооҕо ылар кыахтаах буолуохтаах. Биллэн турар, массыына, тиэхиньикэ оҥоһуутугар уустуктар бааллар, ол иһигэр саппаас чаастары аҕалыы, онтон да атыттар. Ол эрээри сыана бас баттах барыа суохтаах, — диэн бэлиэтиир Владимир Владимирович.
Санатан эттэххэ, массыына ылыытыгар билигин чэпчэтиилээх бырагыраама сааһын ситэ илик оҕолордоох ыалга, быраастарга, учууталларга баар. Ону таһынан киһи бастакы массыынатын ыларыгар эмиэ чэпчэтии көрүллэр. Сударыыстыба субсидия быһыытынан массыына сыанатыттан 20 бырыһыанын (Уһук Илин эрэгийиэннэргэ 25 %) уйунар. Бу бырагырааманан Арассыыйаҕа оҥоһуллар “УАЗ”, “ГАЗ”, “Lada” массыыналары, ону таһынан “Haval” хампаанньаттан тимир көлөнү ылыахха сөп.
2024 сыл бүтүүтүгэр, ахсынньыга, Дьокуускайга Марха улууһа төрүттэммитэ 200 сылыгар анаммыт Ньурба улууһун күннэрэ буолан…
Бу сыл сэтинньи 5 күнүттэн сэтинньи 10 күнүгэр диэри Дьокуускай куоракка 1-12 кылаас үөрэнээччилэрэ уонна…
Владивосток куоракка ыытыллыбыт III Уһук Илиннээҕи хор олимпиадаҕа Саха сириттэн «Надежда Туймаады» хор уонна «Северные…
Дьокуускай куорат баһылыга Евгений Григорьев Норуот сомоҕолоһуутун күнүгэр «Сааҕын байыаннай дьайыыга туттар» аахсыйанан байыаннай дьайыы…
Сэтинньи 4-6 күннэригэр өрөспүүбүлүкэҕэ үһүс төгүлүн ыытыллар "Народ и армия едины" диэн Фашизмы утары пуорум…
М.К. Аммосов аатынан Хотугулуу-Илиҥҥи федеральнай университет омук устудьуоннара саха төрүт муус аннынан балыктааһыҥҥа – муҥхаҕа…