Владимир Путин быһа эпииригэр мөлүйүөнтэн тахса ыйытыы киирдэ

Ахсынньы 16 күнүнээҕи туругунан, “Владимир Путины кытары сыл түмүгэ” бырагыраамаҕа барыта 1,1 мөлүйүөнтэн тахса ыйытыы киирбит. Дойдубут аҕа баһылыга Владимир Путин сылы түмүктүүр тэрээһинэ буолара чугаһаата.

Владимир Путиҥҥа хас биирдии киһи ыйытыы биэриэн сөп. Боппуруостары ахсынньы 19 күнүгэр быһа эпиир түмүктэниэр диэри ылыахтара. Тэрээһин Москва бириэмэтинэн күнүс 12 чааска (Дьокуускай бириэмэтинэн киэһэ 18 чааска) ыытыллыаҕа.

Быһа эпиири “Россия 1”, “Первый канал”, “НТВ”, “Россия 24” ханааллар, ону таһынан “Маяк”, “Вести ФМ”, “Радио России радиолар көрдөрүөхтэрэ, иһитиннэриэхтэрэ.

Бэйэҕит ыйытыыларгытын 8-800-200-40-40 төлөпүөнүнэн эрийэн эбэтэр 0-40-40 кылгас иһитиннэрии ыытан биэриэххитин сөп. Ону сэргэ “Москва-Путину.рф”, “Москва-Путину.ру” сайтка, “Одноклассники”, “ВКонтакте” социальнай ситимнэргэ эбэтэр сиэп төлөпүөнүгэр анал сыһыарыы хачайдаан боппуруостаргытын суруйуоххутун сөп.