РФ бэрэсидьиэнин пресс-сулууспата
Дойдубут аҕа баһылыга Владимир Путин олунньу 7 күнүгэр бырабыыталыстыба бэрэссэдээтэлэ Михаил Мишустины кытары көрсөн, экэниэмикэ боппуруостарын кэпсэттэ.
Михаил Мишустин дакылаатыгар иһитиннэрбитинэн, Арассыыйа ис валовай бородууктата ааспыт сылга 4,1 бырыһыанынан үрдээбит. Ити барыллаан суоттааһынтан 0,2 бырыһыанынан үрдүк.
— Манна даҕатан эттэххэ, былырыын ахсынньыга 4,5 бырыһыаҥҥа тахсыбыппыт. Онон 2024 сылга биһиги ис валовай бородууктабыт 200 триллион солкуобайга тэҥнэстэ. Бу – дойдубутугар хаһан да буолбатах көрдөрүү. Манна оҥорон таһаарыы бырамыысыланнаһын өҥөтө улахан, бырамыысыланнас көрдөрүүтэ 4,6 бырыһыанынан үрдээтэ, — диэн этэр премьер-миниистир.
Владимир Путин мунньах кэмигэр экэниэмикэ сайдыытыгар биир сүрүн боппуруоһунан сыана үрдээһинин хонтуруолга тутуу буоларын санатта. Уонна бырабыыталыстыбаҕа инфляцияны намтатыыга үлэни ыытарга сорудахтаата.
— Бу сыллааҕы биир сүрүн сорукпут – сыана үрдээһинин (инфляцияны) намтатыы, экэниэмикэ сайдыыта бигэ туруктаах буолуутун ситиһии, — диэн иһитиннэр бэрэсидьиэн.
Премьер-миниистир Михаил Мишустин этэринэн манна Арассыыйа Киин баанын кытары сөҥнөһөн үлэлэһии улахан суолталаах. Санатан эттэххэ, Арассыыйа Киин баана 2025 сылга сыана үрдээһинэ 5,2-8,6 %, сүрүн ставка 16-23,1 % тэҥнэһиэҕин сабаҕалыыр.
Ил Дархан Айсен Николаев Алдан оройуонун баһылыгын Александр Шестопаловы кытта көрүстэ. Кэпсэтии кэмигэр өрүттэр муниципалитет…
Бүтүн Арассыыйатааҕы "Улахан этнографическай дьыктаан" сырдатар аахсыйа сэтинньи 1-8 күннэригэр буолуоҕа. Быйыл онус төгүлүн ыытыллар…
РФ бырабыыталыстыбата Тиксии-Найба агломерациятын социальнай-экэнэмиичэскэй сайдыытын кэлим уһун болдьохтоох былаанын бигэргэттэ. Кэлим былаан биир суолталаах…
Бүгүн хара сарсыардаттан, харахпытын хайа тардыахпытыттан социальнай ситимнэринэн, мессенджеринэн: “Эбээ, эһээ” күнүнэн диэн араас хартыыналары,…
Тэрээһин оҕолор олохторун уонна доруобуйаларын харыстыырга, уустук олохтоох дьиэ кэргэттэри буларга уонна оҕону атаҕастааһын түбэлтэлэрин…
Сэтинньи саҥатыгар бырааһынньык күннэрэ түбэһэллэринэн, оҕо босуобуйалара эрдэ түһүөхтэрэ диэн Социальнай пуонда Саха сиринээҕи салаата…