“Хомойуох иһин, бэйэбит испитигэр өйдөспөт буолуу эмиэ тахсар. Ол туох да үчүгэйгэ тиэрдибэт”, — диэн иһитиннэрдэ РФ бэрэсидьиэнэ Владимир Путин бэҕэһээ, ахсынньы 26 күнүгэр, Санкт-Петербург куоракка ыытыллыбыт Тутулуга суох судаарыстыбалар түмсүүлэрин көрсүһүүтүгэр.
— Евразия эрэгийиэннэригэр куттала суох буолууну хааччыйыы – бу Тутулуга суох судаарыстыбалар түмсүүлэрин биир сүрүн хайысхата. Хомойуох иһин, кэлиҥҥи сылларга тас дойдулар өттүлэриттэн биһиги судаарыстыбаларбытын тургутан көрүү сылтан сыл күүһүрэн иһэр. Ону ааһан бэйэбит испитигэр эмиэ өйдөспөт буолуу тахсыталыырын бу көрсүһүүгэ аһаҕастык этиэхпитин наада. Ол эрээри биһиги сыалбыт-сорукпут биир – судаарыстыбалар бары бииргэ үлэлэһиэхпитин, салгыы да бу курдук доҕордоһуохпутун баҕарабыт. Тахсар боппуруостары бары куолаан бииргэ быһаара сатыыбыт, бэйэ-бэйэҕэ көмө-тирэх буолан. Бу терроризмы, экстремизмы, кыраныыссалар икки ардыларынааҕы сокуону кэһиини, наркотик, хоруупсуйа боппуруостарыгар барытыгар сыһыаннаах, — диэн этэр Владимир Путин.
Арассыыйа бэрэсидьиэнэ судаарыстыбалар икки ардыларыгар култуураҕа, социальнай эйгэҕэ үгүс оҥоһуллубутун бэлиэтиир.
— Манна даҕатан биһиги дойдуларбыт култуураларын далаһата чиҥин бэлиэтиир тоҕоостоох. Биһиги биир историялаахпыт, култууралаахпыт, духуобунай ситимнээхпит, үгэстэрдээхпит. Эһиилги сылы Тутулуга суох судаарыстыбалар түмсүүлэрэ Нуучча тылын сылынан биллэрэн турар. Элбэх норуоттаах судаарыстыбаларга, биһиэхэ, нуучча тыла – бу биһиги уопсай төрөөбүт тылбыт, биһигини ситимниир биир күүспүт, — диэн иһитиннэрэр Владимир Владимирович.
Андрей Находкин, Ил Түмэн Сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ. Патриотизм туһунан санаатын…
Ыччаты байыаннай-спортивнай бэлэм уонна патриоттуу тыыҥҥа иитии боппуруостарын Ил Дархан Айсен Николаев уонна "Буойун" киин…
Эбийиэктэргэ баһаартан сэрэхтээх буолууну, санитарнай нуормалары тутуһууну уо.д.а. боппуруостары "Азия оҕолоро" норуоттар икки ардыларынааҕы спортивнай…
Ил Дархан Айсен Николаев уонна СӨ Ил Дарханын иһинэн үлэлиир Урбаан сүрүннүүр сэбиэтин бэрэссэдээтэлин солбуйааччыта, …
Дьокуускайга 20 №-дээх оскуола саҥа модульнай успуорт саалатыгар 850-тан тахса оҕо успуордунан дьарыктанар. "Соникс" спортивнай…
2024 сылга Саха сиригэр доруобуйа харыстабылын 11 эбийиэгэр хапытаалынай өрөмүөн ыытыллыа. Саха сиригэр федеральнай бүддьүөт…