Ил Дархан Айсен Николаев быйылгы Анал этиитигэр, биир сүрүн хайысханан, өрөспүүбүлүкэҕэ тырааныспар аныгылыы эрэллээх тутулун тэрийии экэниэмикэ сайдыытын дьоһуннаах факторынан буолуо диэтэ.
Бу ый саҥатыгар Ил Дархан Айсен Николаев Федерация Сэбиэтигэр Арассыыйа киэҥ далааһыннаах сайдыытын стратегиятын, Сибиир уонна Уһук Илин тырааныспарын уонна энэргиэтикэтин саҥа көрүдүөрдэрин үөскэтиини учуоттаан оҥоһуллубут саҥа эрэдээксийэтин туһунан билиһиннэрбитэ. Айсен Сергеевич Саха сиригэр тырааныспар сайдыытыгар улахан инвестиционнай бырайыактар былааннаналларын туһунан кэпсээтэ.
Анал этиигэ бэйэтин санаатын СӨ тырааныспарын уонна суол хаһаайыстыбатын миниистирэ Владимир Михайлович Сивцев үллэһиннэ:
— Ааспыт сылларга курдук Ил Дархан Айсен Николаев Анал этиитигэр тырааныспар инфраструктуратын сайдыытын бэлиэтии тутан кэпсээтэ. Анал этиигэ биһиги үлэбит сыаналаммыта биһиэхэ ураты суолталаах, улахан эппиэтинэһи эрэйэр. Чуолаан, салгын суолунан сырыыга, таһыыга субсидированнай билиэттэр мэхэньиисимнэрин оҥорон киллэрии, айан суолун тутуу бэлиэтэннэ. Билигин баар тырааныспар каркааһа, хомойуох иһин, өрөспүүбүлүкэ экэниэмикэтэ урутаан сайдыытыгар эппиэттээбэт. Тырааныспар инфраструктурата сайдарыгар инвестиционнай бырайыактары уонна, бастатан туран, баар бары ресурсалары туһанан, тырааныспар саҥа көрүдүөрүн оҥорон, федеральнай айан суолларынан сылы эргиччи тохтоло суох хааччыйыы барыахтаах. Саха сиригэр тырааныспар ситимин сайдыыта инникитин сиртэн хостонор баайы туһаҕа таһаарыыны хааччыйыа.
Андрей Находкин, Ил Түмэн Сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ. Патриотизм туһунан санаатын…
Ыччаты байыаннай-спортивнай бэлэм уонна патриоттуу тыыҥҥа иитии боппуруостарын Ил Дархан Айсен Николаев уонна "Буойун" киин…
Эбийиэктэргэ баһаартан сэрэхтээх буолууну, санитарнай нуормалары тутуһууну уо.д.а. боппуруостары "Азия оҕолоро" норуоттар икки ардыларынааҕы спортивнай…
Ил Дархан Айсен Николаев уонна СӨ Ил Дарханын иһинэн үлэлиир Урбаан сүрүннүүр сэбиэтин бэрэссэдээтэлин солбуйааччыта, …
Дьокуускайга 20 №-дээх оскуола саҥа модульнай успуорт саалатыгар 850-тан тахса оҕо успуордунан дьарыктанар. "Соникс" спортивнай…
2024 сылга Саха сиригэр доруобуйа харыстабылын 11 эбийиэгэр хапытаалынай өрөмүөн ыытыллыа. Саха сиригэр федеральнай бүддьүөт…