Хаартыска: sakha.gov.ru
“ВОИН” Киин Арассыыйа Бэрэсидьиэнэ Владимир Путин сорудаҕынан ыччат ортотугар патриотическай иитиини тарҕатар, Аҕа дойдуну көмүскүүр исписэлиистэри бэлэмниир сыаллаах тэриллибитэ.
Кииҥҥэ 108 тыһыынчаттан тахса курсаан үөрэннэ, аҥардас 2025 сылга 50000-тан тахса киһи үөрэҕи бүтэрдэ. Маны тэҥэ «Дойду куттала суох буолуутун уонна көмүскэлин төрүттэрэ» кууруска 449 инструкторы уонна 8600-тэн тахса преподаватели бэлэмнээтилэр. Дойду 21 эрэгийиэнигэр “ВОИН” салаалара үлэлииллэр, бырайыак федеральнай уокуруктары барыларын хабар. Арассыыйа Бэрэсидьиэнэ Владимир Путин бу иннинэ Владивостокка курсааннары кытта көрсүһүүтүгэр 2030 сылга диэри Арассыыйа бары эрэгийиэннэригэр филиаллар тэриллиэхтэрин сөбүн бэлиэтээбитэ.
Ахсынньы 1 күнүгэр Киин филиалларыгар Арассыыйа Дьоруойдарын ааттарын иҥэрэр бырайыак саҕаламмыта. Бастакынан ЛНӨ салаатыгар Арассыыйа Дьоруойа Владимир Никишин аатын иҥэрдилэр. Бырабыыталыстыба бэрэссэдээтэлин солбуйааччы уонна Уһук Илиҥҥи федеральнай уокурукка бэрэсидьиэн боломуочуйалаах бэрэстэбиитэлэ Юрий Трутнев Киин хамаандатыгар махталын биллэрдэ, чуолаан байыаннай дьайыы кыттыылаахтара курсааннары кытта үлэҕэ кылааттарын бэлиэтээтэ. Арассыыйа үөрэҕин миниистирэ Сергей Кравцов эмиэ Киин патриотическай саҥа ньымалары киллэриигэ, ыччаты өйөөһүҥҥэ суолталааҕын тоһоҕолоото. Ил Дархан Айсен Николаев “ВОИН” киинэ суох билигин Арассыыйаҕа уонна өрөспүүбүлүкэҕэ байыаннай-спортивнай бэлэмнэнии уонна патриотическай иитии систиэмэтин санаан көрөр кыах суоҕун бэлиэтээтэ.
2025 сыллаахха байыаннай, тактическай, инженернэй уонна мэдисиинискэй өттүнэн бэлэмнээх буолууну, пилота суох систиэмэлэри уонна сибээһи туһаныыны, уо.д.а. хабар 35 бырагыраамалаах үөрэх саҥа тиһигэ киирбитэ. «ВОИН» сэртипикээтэ 11 эрэгийиэн 27 үрдүк үөрэҕин кыһатыгар туттарсарга БКЭ-ҕэ эбии бааллары биэрэр. Бу туһунан Ил Дархан, бырабыыталыстыба пресс-сулууспата иһитиннэрэр.
Сунтаар улууһун Леонид Попов аатынан Арыылаах агротехнологическай оскуолатыгар педагогическай үлэ, тыыл бэтэрээнэ, "Учууталлар учууталлара", кыраайы…
Бүгүн, ахсынньы 4 күнүгэр, сүппүт дьахтары (1964 с.т.) көрдүү СӨ Быыһыыр сулууспатын үлэһиттэрэ тиийдилэр. Дьахтар…
"Кыһын Саха сириттэн саҕаланар" бэстибээл чэрчитинэн, биһиги Атамайбытыгар сүрүн харыйабыт уота араас өҥүнэн күлүмүрдүү оонньоото!…
Дьокуускайга 2 №-дээх полиция отделын дьуһуурунай чааһыгар куорат олохтооҕо дьахтартан сайабылыанньа киирбит. Быһаарбытынан, кини каартатын…
Ахсынньы 3 күнүгэр «Панчер» спортивнай кулуупка «Вызов Севера» турнир кыттыылаахтарыгар медиа-эрчиллии буолла. Бу быйылгы сыллааҕы…
Кэнники кэмҥэ Саха сирин олохтоохторо «MAX» диэн саҥа мессенджери хото туһанар буоллулар. Саҥа сервис тугунан…