«Время героев» үөрэх бырагырааматыгар сайаапкалары хомуйуу салҕанар

«Время героев» үөрэх бырагырааматыгар анал байыаннай дьайыы кыттыылаахтара уонна бэтэрээннэрэ бастакы  сайаапкалары биэрдилэр.

Санаттахха, «Время героев» бырагыраама бастыҥ үөрэх бырайыактарыгар тэҥнээхтик, Судаарыстыбаннай управление Үрдүкү оскуолатын, ону тэҥэ “Лидеры России” куонкурус таһымыгар ыытыллар. Бырагыраама бастакы кыттыылаахтарыгар анаан Бырабыыталыстыба, Бэрэсидьиэн дьаһалтатын, федеральнай министиэристибэлэр, биэдэмистибэлэр, эрэгийиэн баһылыктара уонна улахан хампаанньалар салайааччылара настаабынньык буолуохтара диэн Владимир Путин бэлиэтээбитэ.

Тэрийээччилэр «Время героев» бырагыраамаҕа бастакы регистрацияланааччылара байыаннай дьайыы бэтэрээннэрэ уонна байыаннай дьайыы хонуутуттан төннөн кэлбит  буойуттар киирдилэр диэн бэлиэтииллэр. Кинилэр бырагыраама саайтын нөҥүө кыттарга сайаапкалары биэрдилэр.

Ити курдук, «Время героев» бырагырааманан анал байыаннай дьайыы кыттыылаахтара уонна бэтэрээннэрэ «Сенеж» мастарыскыайын управлениетыгар Судаарыстыбаннай управление Үрдүкү оскуолатын бырагырааматын үөрэҕин ылар бырааптаахтар.

Сайаапкалары муус устар 8 күнүгэр диэри https://времягероев.рф/ саайт нөҥүө ыытыахха сөп.