Ыам ыйыгар Докучаевскайга успуорт уораҕайын чөлүгэр түһэриэхтэрэ

Саха сирэ ыам ыйыгар ДНӨ Докучаевскай куоракка «Доломит» успуорт комплексын өрөмүөнүн түмүктүөҕэ.

«Ыам ыйынааҕы бырааһынньыктарга Еленовкаҕа культуура киинин уонна Докучаевскайга «Доломит» успуорт комплексын чөлүгэр түһэриэхпит. Өрөмүөннүүр үлэлэр хаамыыларын Ил Дархан Айсен Николаевы кытары бэрэбиэркэлээтибит», — диэн ДНӨ баһылыга Денис Пушилин бэйэтин ТГ-ханаалыгар суруйар.

Кини этэринэн, успуорт уораҕайыгар бассейны, уу систиэмэтин уларыппыттар. Сыл иһигэр шефтэһии көмөтүн оҥоруу былаанынан Оҕо айымньытын дьиэтин өрөмүөнүн саҕалыахтара уонна ыччат IТ-киинин тэрийиэхтэрэ. Докучаевскай уокурук баһылыга Александр Качанов ТАСС иһитиннэрбитинэн, «Доломит» успуорт уораҕайа куоракка соҕотох тутуу буолар. Үлэ бүппүтүн кэннэ онно саҥа тренажердары туруоруохтара.

«Бассейны өрөмүөннээтибит, аныгылыы оҥордубут. Барытын үчүгэйдик оҥордулар. Билигин комплекс 90 %-тан тахса бэлэм, сүнньүнэн тупсарыы үлэтэ хаалла. Билигин күн-дьыл көннөҕүнэ тутатына оҥоруохпут», — диэн Александр Качанов түмүктээтэ.