СИА хаартыската
Саха сириттэн элбэх киһи хантараагынан сулууспаҕа ыҥырыллан сылдьар. РФ Оборуонаҕа министиэристибэтэ дьону хантараак дуогабарынан аармыйа кэккэтигэр сулууспаҕа ыҥыра турар. Саха сириттэн хантараагынан сулууспаҕа эмиэ элбэх киһи барар.
Бүгүн РФ Сэбилэниилээх күүстэригэр хантараагынан сулууспа туһунан Чурапчы оройуонун Новгородовскай уокуругун дьокутаата Яков Оконешников кэпсиир:
— Биһиги улууспутуттан байыаннай дьайыыга мобилизацияланан, бэйэлэрин баҕа өттүлэринэн уонна хантараагынан элбэх киһи сылдьар. Байыаннай дьайыы кыттыылаахтарыгар уонна кинилэр дьиэ кэргэннэригэр көрүллэр бары көмөнү ылан олороллор. Ону таһынан, сайаапка быһыытынан улуус уонна нэһилиэктэр дьаһалталара араас өрүттээх көмөнү оҥороллор.
Оттон хантараагынан сулууспа туһунан кэпсиир буоллахха, биһиги улууспутуттан элбэх киһи сылдьар. Улууска Арассыыйа Геройа Александр Колесов РФ сэбилэниилээх күүстэригэр ыҥырар тыллардаах баннердара, Чурапчыттан төрүттээх байыаннай дьайыыга кытта сылдьар биир дойдулаахтарбыт уонна Аҕа дойду Улуу сэриитин бэтэрээннэрин, ытык дьоммут сырдык мөссүөннэрдээх баннердары Чурапчы сэлиэнньэтин киин уулуссаларыгар туруорбуппут.
Анал сырдатар брошюралар атыы-эргиэн кииннэригэр уонна дьон сылдьар сирдэринэн тарҕатыллыбыттара. Ону таһынан РФ Сэбилэниилээх күүстэригэр хантараагынан сулууспаҕа ыҥырыы оройуон хаһыатыгар бэчээттэммитэ, нэһилиэктэринэн тарҕаммыта.
Чурапчы улууһун хорсун-хоодуот байыастара дойдуларыгар этэҥҥэ эргиллэн кэлэллэригэр баҕарабыт.
Күн-дьыл туруга бу күннэргэ хайдаҕый? Күнү-дьылы кэтээн көрөөччүлэр туох дииллэрий? Ленскэйгэ, Халыма-Индигиир улуустарыгар, күнүс киин,…
Бу нэдиэлэ харчыны ааҕарга, докумуону бэрээдэктииргэ уонна чуолкай былааны оҥосторго табыгастаах кэм. Венера, баай-дуол планетата,…
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…