«Якутия» авиахампаанньа чэпчэтиилээх билиэти атыылаан эрэр

Саҥа дьыл чугаһаан буолуо, атыынан-кутуунан дьарыктанар, өҥөнү оҥорор  тэрилтэлэр араас хабааннаах чэпчэтиилэри оҥоруулара эмиэ биллэрдик элбээтэ. Холобур, «Якутия» авиахампаанньа  35 %-наах чэпчэтиини биллэрдэ. 

Ол курдук, сэтинньи 24, 25, 26 күннэригэр авиахампаанньаттан чэпчэтиилээх билиэти атыылаһыахха сөп. Бу аахсыйаҕа 2023 сылга сэтинньи 24 күнүттэн ахсынньы 14 күнүгэр диэри уонна 2024 сылга тохсунньу 16 күнүттэн кулун тутар 30 күнүгэр диэри көтүү хабыллар.  Тустаах чэпчэтиинэн 12-тэн үөһээ саастаахтар туһаналлар. Авиахампаанньа бары рейстэригэр бу чэпчэтии баар.