«Якутоптторг» хоту улуустарга аһы-үөлү, тутуу матырыйаалын тиэртэ

«Якутоптторг» АУо социальнай суолталаах таһаҕаһы, аһы-үөлү уонна эргиэн-логистика кииннэрин тутарга матырыйааллары уу суолунан СТК-1012 теплоходунан тиэртэ. Маны таһынан, «Магдебург» рефрижератор тиийдэ.

Булуҥ, Усуйаана, Дьааҥы уонна Халыма оройуоннарыгар 725  тн ас-үөл тиэрдиллибит. Бу туһунан СӨ Арктиканы сайыннарыыга уонна хотугу норуоттар дьыалаларыгар министиэристибэ суруйар. Этиллибитинэн, 252  тн бурдук, 105 тн саахар, 98,5 тн кэнсиэрбэ арааһа, 72 тн хортуоппуй, луук, мас арыыта, ириис куруппа, үүт, яблоко тиэйэн илдьибиттэр.