Хаартыска: Петр Шамаев ТГ-ханаалыттан
СӨ Ыччат дьыалатыгар уонна социальнай коммуникацияларга миниистирэ Петр Шамаев ыарахан бааһырыытын кэннэ, Дьокуускайга реабилитацияҕа төрөөбүт куоратыгар төнүннэ. СИА иһитиннэрбитинэн, байыаннай сулууспалаах уоппуска кэмигэр реабилитациялана кэлбит. Петр Шамаев бэйэтин дуоһаныһыгар төннөрүн, тугунан дьарыктанарын туһунан кэпсээтэ.
«Мэлдьи дьиэбэр төннөрбөр дьулуспутум. Кэлиэм иннинэ дьоммун соһуччу үөрдээри кистээн кэлэргэ быһаарыммытым уонна доҕорбун көмөлөһөрүгэр сэрэппитим. Биллэн турар, бары олус үөрбүттэрэ»,— диэн кини кэпсээтэ.
Миниистир билиҥҥэ диэри байыаннай сулууспалаахтар ахсааныгар киирэрин уонна бааһырыы кэмигэр уоппускаҕа сылдьарын туһунан иһитиннэрдэ.
«Реабилитацияҕа икки ыйы биэрдилэр. Билигин дьиэ кэргэммэи улахан болҕомтону уурабын. Салгыы сулууспалыырым туһунан быһаарыыны Киин байыаннай- врачебнай хамыыһыйа ылынар. Онно докумуоннары көрүүгэр балай да уһун кэм наада», — диэтэ Петр Шамаев. Кини анал байыаннай дьайыыга кыттар кэмигэр өрөспүүбүлүкэ уонна дойду тупсарыгар үлэлиэн баҕата бөҕөргөөбүтүн туһунан эттэ.
«Мин биири өйдөөтүм — патриотическай иитии, волонтердааһын уонна баҕа өттүнэн үлэлээһин туһугар күүскэ үлэлиэххэ наада. Гуманитарнай көмө хайысхата олус наадалаах. Билигин ьайыастарга туох наадатын үчүгэйдик билэбин. Биллэн турар, бу дроннар, араас кэмпиликэтэр о.д.а. Билигин номнуо бырайыактар бааллар, холобур, «Патриот» ыччат киинин бөҕөргөтүү уонна кини холобурун оройуоннарга кэҥэтии. Үлэ хайысхата баар — барытын оҥоруохпут», — диэн Петр Шамаев бэлиэтээтэ.
Саха сиринээҕи ИДьМ экэнэмиичэскэй куттал суох буолуутугар уонна коррупцияны утары охсуһар отделын үлэһиттэрэ силиэстийэлээччилэри кытта…
Дьоҕус уонна орто урбаан субъектарын ахсаана 44 тыһ. таҕыста. 2025 сыллааҕы туругунан, аччыгый уонна орто…
Дьиҥнээҕинэн туох-ханнык уларытыылар киллэриллэллэрий? Бырайыагынан СӨ Төрүт сокуонун 22-с ыстатыйатыгар өрөспүүбүлүкэҕэ босхо уонна барыларыгар тиийимтиэ…
Сотору кэлэр сыллааҕы өрөспүүбүлүкэ бүддьүөтэ ылыллаары турар. Онтон сиэттэрэн өрөспүүбүлүкэ үбүн миниистирин э.т. Иван Алексеев…
Алтынньы 14 күнүгэр Дьокуускайга уопсастыбаннай уонна бэлитиичэскэй диэйэтэл Владимир Михайлович Членов мемориальнай дуоскатыгар сибэкки дьөрбөтүн…
Бу сыл саҕаланыаҕыттан Саха сиригэр 24 булт саата сүтүүтүн түбэлтэтэ бэлиэтэннэ. Бас билээччилэр эппиэккэ тардылыннылар.…