Ыччаттар көмөлөстүлэр

Горнайга Бэс Күөлүгэр куораттан ыччат десана кэлэ сырытта.

29 ыччат байыастар дьиэ кэргэттэригэр, соҕотох олорор аҕам саастаахтарга, аҕам саастаах ыалларга көмөлөстүлэр. Ыччат десанын салайааччытынан Валерий Вячеславович Иванов сырытта. Ыччаттар Софронеева И.Е., Аввакумова Ю.Г., Федорова З.П.., Иванова В.Г., Иванова А.Н., Я.С. уонна В.Е.Ефремовтарга көмөлөстүлэр, ону таһынан «Радуга» оҕо уһуйааныгар оонньуур былаһааккаларын ыраастаан биэрдилэр.

Оскуола оҕолоругар анаан профориентационнай үлэни ыыттылар. Ол кэнниттэн «Коммунарскай сбор» тэрийдилэр. Нэһилиэкпит олохтоохторугар ыччаттары көрсөргө ас астаан күүс көмө буолбуттарыгар  олохтоох дьаһалта үлэһиттэригэр, «Арассыыйа Почтата» АУо, «Күн Эйэ» эдэр ийэлэр түмсүүлэригэр, аҕам саастаахтар  «Тирэх» түмсүүлэригэр, «Далбар Хотун» түмсүүгэ, тэҥҥэ сүүрбүт-көппүт, ыччаттары көрсөн, атаарсан үлэлэспит эдэр ыччаппытыгар Александр Максимовка, улахан махталбытын тиэрдэбит.

Валерия Саввинова,

Горнай.

Хаартыскаларга В.Саввинова түһэриитэ.