Үчүгэй арбуһу хайдах талабыт?

Билигин арбуз дэлэйэн сыаната арыый түстэ. Ортотунан маҕаһыыннарга киилэтэ 110-130 солк.тэҥнэстэ. Оттон кууһунан атыылыыр Чернышевскай уулусса 66-гар арбуз сыаната 80 солк. буолбут.

Арбуһу хайдах талабыт? Бастатан туран аһары улаханы уонна суола-ииһэ суоҕу таларга ыксаамаҥ. Үчүгэй арбуз сиргэ төкүнүйэ сытан күн уотугар буспут саһархай суоллааҕа үчүгэй.

Арбуһу аҥаардаммытынан атыылаһымаҥ. Кини быһыллан баран салапааннаммыт да буоллаҕына, араас кир-хос, инфекция сыстыан сөп. Дьиэҕэ аҕалан баран арбуз таһын хаһаайыстыбаннай мыыланан сууйар наада. Үчүгэй арбуз иһигэр элбэх сиэмэлээх буолар. Билигин сүрүннээн Дагестан арбуһа хамаҕатык атыылана турар эбит.