Үөдэйгэ аҕа ууһунан волейболга күрэхтэстилэр

Бэҕэһээ, Өрөспүүбүлүкэ күнүгэр, Нам улууһун Үөдэй нэһилиэгэр үгэскэ кубулуйбут аҕа уустар икки ардыларыгар волейболга күрэх буолан ааста.

Күрэххэ Ядреевтар, Эверстовтар, Дягилевтар, Новгородовтар уонна Зыряновтар дьиэ кэргэттэрэ хамаанда туруордулар. Хамаандаҕа күтүөттэр, кийииттэр, сиэннэр, хос сиэннэр кытыннылар.

Күрэс түмүгүнэн:
1 миэстэ — Зыряновтар аҕа уус;
2 миэстэ — Новгородовтар аҕа уус;
3 миэстэ — Ядреевтар аҕа уус.

Бу маннык интэриэһинэй бырайыагы Үөдэй дьаһалтатын успуорка инструктора Екатерина Ядреева оскуолаҕа үөрэнэр эрдэҕиттэн тэрийэр баҕа санаата этэ. Билигин дьону түмэн көҕүлээн, волейбол күрэҕин тэрийдэ.

Лена Корякина