Үөһээ Бүлүүгэ баһаарга дьахтар өлүгэ көһүннэ

Кулун тутар 9 күнүгэр сарсыарда 09.49 чааска баһаарынай-быыһыыр сулууспаҕа Үөһээ Бүлүү сэлиэнньэтин Гурьевка  түөлбэҕэ  икки кыбартыыралаах дьиэ умайбытын туһунан биллэрбиттэр. Бу туһунан ЫБММ пресс-сулууспата иһитиннэрэр.

Баһаарынай-быыһыыр сулууспа үлэһиттэрэ быһылаан тахсыбыт сиригэр биэс мүнүүтэнэн тиийбиттэр. Баһаар түмүгэр кыбартыыра  72 кв.м. иэнэ уокка былдьаммыт. Хомойуох иһин, баһаар тахсыбыт сиригэр 1953 с.т. дьахтар өлүгэ көстүбүт. 6 киһини эвакуациялаабыттар уонна иккис кыбартыыра быыһаммыт.

Баһаар төрүөтэ, буруйдаах уонна хоромньу быһаарыллар. Уоту умуруорууга 20 киһи  уонна  3 тиэхиньикэ туһаныллыбыт.