Хаартыска: Үөһээ Бүлүү улууһун дьаһалтатын пресс-сулууспата
Бэс ыйын 8 күнүгэр Үөһээ Бүлүүгэ «Үс Хоһуун» стадиоҥҥа Бүлүү бөлөх улуустарын бэтэрээннэрин VIII спартакиадата түмүктэннэ. Спартакиада быйыл Арассыыйаҕа Дьиэ кэргэн уонна Саха сиригэр Оҕо саас сылыгар ананна.
Күрэхтэһиилэргэ Үөһээ Бүлүү, Бүлүү, Ньурба уонна Сунтаар улууһун бэтэрээннэрин хамаандалара кииристилэр. Күрэхтэһиилэр дуобат, саахымат, хабылык, хаамыска, волейбол, остуол тенниһэ, бильярд, дартс, кыраккыы, пневматическай винтовканан ытыы, эстэпиэтэ, бальнай үҥкүү успуорт көрүҥнэригэр ыытылыннылар. Уопсай түмүгүнэн Үөһээ Бүлүү улууһун хамаандата өрөгөйдөөх кылаан миэстэҕэ таҕыста уонна көһө сылдьар Спартакиада Кубогын ылла. Иккис бочуоттаах миэстэҕэ — Бүлүү, үһүскэ — Ньурба улуустарын хамаандалара тигистилэр.
«Бэтэрээн спортсменнарбытын Спартакиада ситиһиилээхтик түмүктэммитинэн, кыайыыларгытынан итиитик-истиҥник эҕэрдэлиибит! Эһиил Бүлүү куоратыгар аныгыс Спартакиадаҕа көрсүөххэ диэри. Спартакиаданы тэрийэргэ күүс-көмө буолбут Үөһээ Бүлүү улууһун олохтоохторугар, тэрийээччилэригэр барҕа махталбытын тиэрдэбит», — диэн улуус баһылыга Валерий Николаев ТГ-ханаалыгар иһитиннэрэр.
«Успуорт — олох нуормата» федеральнай бырайыак көмөтүнэн физкултууранан уонна успуордунан утумнаахтык дьарыктанар дьон ахсааннара лаппа элбиир. 2022 сыллаахха 39 бырыһыан эбит буоллаҕына, 2023 сылга 55 %- ҥа тиэрдиллибитэ. Өрөспүүбүлүкэҕэ 102 успуорт араас көрүҥэ сайдар, успуорт 75 федерацията үлэлиир.
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…
Ороһуоспа бырааһынньыгар остуолга ууруллар ас-үөл дойду эрэгийиэннэринэн араастаһыан сөп эрээри, бырааһынньыгы көрсө үгүс хаһаайкалар маннык…
Ааспыт сылга Дьокуускай куорат Гагарин уокуругар ханна да суох улахан уонна аныгы тутуулаах СМАРТ-поликлиника үлэҕэ…
РФ уопсай үөрэхтээһинин бочуоттаах үлэһитэ, “СӨ үтүөлээх учуутала” бочуоттаах аат хаһаайына, Дьокуускай куорат 26‑с нүөмэрдээх…