Хаартыска: sakha.gov.ru
Ойуур баһаарыттан уот лииньийэтэ алдьанан, Үөһээ Бүлүү улууһун Өргүөт уонна Быракаан биир тыһыынчаттан тахса киһилээх нэһилиэктэрэ уот суох хааллылар.
Уотунан хааччыйыыны нэһилиэктэргэ быстах кэмҥэ ОДьКХ резервэтиттэн хааччыйаллар. Бырабыыталыстыба бастакы солбуйааччыта Дмитрий Садовников иһитиннэрбитинэн, бүгүн сарсыарда Дьокуускай куораттан уонна Бэрдьигэстээхтэн икки улахан күүстээх дизельнэй генератордаах (хас биирдиитэ 200 кВт кыамталаах) тиэхиньикэлэр айаннаатылар. Бу генератордар нэһилиэктэри уот лииньийэтэ оҥоһуллуон диэри толору уотунан хааччыйар кыахтаахтар.
«Үөһээ Бүлүү оройуонугар ойуур баһаарын балаһыанньата бигэ туруктаах. Нэһилиэнньэлээх пууннарга куттал суох буолуута хааччылынна. Бу туһунан «Якутлесресурс» ГАУ салайааччыта Виктор Омуков дакылааттаата. Манна барыта 7 ойуур баһаара салҕанар, олору умуруорууга 300-тэн тахса киһи үлэлиир. Күнүс Бе-200 амфибия-сөмөлүөт көмөлүө, уу быраҕыыга бөртөлүөт тардылынна», — диэн Дмитрий Садовников бэлиэтээтэ. Уоту утары охсуһуу атын Бүлүү бөлөх улуустарынан эмиэ салҕанар – Ньурба, Сунтаар, Бүлүү, итиэннэ ыаллыы Горнай улууһугар.
Арктика оройуоннарыттан ойууру баһаара Абый оройуонугар уоннаҮөһээ Дьааҥыга ыытыллар. Икки нэһилиэнньэлээх пууннарга куттал суох буолуута хааччылынна. Өлүөхүмэ оройуонугар тыалтан уонна этиҥнээх ардахтан эрдэ тохтотуллубут ойуур баһаардара күөдьүйэн таҕыстылар. Ленскэйгэ буруолаах.
Саха сиригэр сарсыарда от ыйын 24 күнүгэр барыта 88 ойуур баһаара уонна 1 ландшафтнай турбута биллэр. Саха сирин үрдүнэн 1800-тэн тахса киһи үлэлээтэ уонна 141 тиэхиньикэ туһанылынна. Авиация үлэлиир.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…