Хаартыска: Экология, айылҕаны туһаныы уонна ойуур хаһаайыстыбатын министиэристибэтэ
СӨ Экология, айылҕаны туһаныы уонна ойуур хаһаайыстыбатын министиэристибэтэ иһитиннэриитинэн, Үөһээ Бүлүү сэлиэнньэтин таһыгар Бүлүү өрүс ньиэп тохтубут чахчытынан Үөһээ Бүлүү улууһун дьаһалтата, Экология министиэристибэ, Роспотребнадзор уонна атын толорор былаас уорганнарын бэрэстэбиитэллэрэ кыттыылаах Ыксаллаах быһыыны-майгыны сэрэтиигэ уонна туоратыыга хамыыһыйа мунньаҕа ыытылынна.
Мунньах түмүгүнэн Үөһээ Бүлүү улууһун сиригэр-уотугар үрдүк бэлэмнээх буолуу эрэсиимэ биллэрилиннэ.
Бүлүү өрүс – федеральнай таһымнаах судаарыстыбаннай экологическай кэтиир-хонтуруоллуур уу эбийиэгэ буолар, ол иһин иһитиннэрии Айылҕаны туһаныы эйгэтигэр кэтиир федеральнай сулууспа Саха сиринээҕи Управлениетын уонна Балыктааһын федеральнай ааҥыныстыбатын Илин-Сибиирдээҕи территориальнай управлениетын аадырыстарыгар ыытылынна.
Ону таһынан, бу быһылаан туһунан СӨ Нэһилиэнньэ куттала суох буолуутун хааччыйыыга уонна гражданскай оборуона министиэристибэтигэр иһитиннэрилиннэ.
Билиҥҥи туругунан министиэристибэ территориальнай подразделениелара – Ньурбатааҕы кэмитиэт, Үөһээ Бүлүүтээҕи уонна Бүлүүтээҕи инспекциялар Бүлүү өрүс уутун бэрэбиэркэлииллэр, ол чэрчитинэн уу боруобата ылыллар.
Бэс ыйын 22 күнүнээҕи сарсыарда 10:40 чаас туругунан, Бүлүү өрүскэ ньиэп Үөһээ Бүлүү сэлиэнньэтиттэн сүүрүк устун 25 км аллараа сытар. Билигин уу таһыма үрдээбитинэн Бүлүү өрүскэ навигация күүскэ саҕаланна. Өрүһүнэн элбэх аал сылдьар. Буруйдааҕы быһаарар сыалтан, Бүлүү өрүскэ ньиэп тохтубутун көстүбүт кэмигэр Үөһээ Бүлүү сэлиэнньэтин оройуонугар паром хампаанньаларын кытта үлэ ыытыллар.
Быһылаан тахсыбыт сиригэр ньиэп тохтуутун туоратаары Саха сирин Быыһыыр сулууспатын быыһааччылара айаннаатылар.
Садын оройуонун (билиҥҥитэ Мииринэй) Ботуобуйа сирэ-дойдута былыр былыргыттан дьон аймах сөбүлээн олохсуйбут сирэ буолар. Олохтоохтор…
Аҕа дойду сэриитигэр Улуу Кыайыы үбүлүөйдээх 80 сылын тэрээһиннэрин түмүктүүр "Уоттаах сэрии сылларыгар" кинигэ биһирэмэ…
СӨ Бырабыыталыстыбатын Бэрэссэдээтэлин бастакы солбуйааччы Дьулустаан Борисов "Үтүө санаа харыйата" аахсыйаҕа кыттыыны ылла. Адаптивнай үөрэх…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Хаарчаана бэлэҕэ"…
Бастыҥ волонтерскай көҕүлээһиннэр уонна устудьуоннар түмсүүлэрэ "Уһук Илин сулуһа" бириэмийэнэн бэлиэтэннилэр. РФ Бырабыыталыстыбатыгар сыл ахсын…
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…