Үөһээ Дьааҥы Сайдыытыгар игирэ ньирэйдэр төрөөтүлэр
09.07.2024, 09:30
![](https://sakha-sire.ru/wp-content/uploads/2024/07/85-2-900x596.jpg)
Хаартыска: СӨ Бэтэринээрийэтин управлениета
Бөлөххө киир:
Сылын ахсын өрөспүүбүлүкэ улуустарыгар элбэх игирэ ньирэй төрүүр. Икки ньирэй биирдэ кэлиитэ үтүө бэлиэ курдук тойоннонор.
Бу ааспыт өрөбүлгэ Үөһээ Дьааҥы улууһугар Сайдыыга Потапов Е.П. хаһаайыстыбатыгар икки игирэ ньирэй төрөөбүтүн туһунан сонун социальнай ситимнэринэн тарҕанна. «Куутук ынах икки игирэ ньирэйи төрөөтө. Ньирэйдэр доруобайдар!» диэн хаһаайыстыба баһылыга үөрүүтүн үллэстэр.
Олохтоохтор этэллэринэн, бу сылга үктэнэн баран Сайдыыга хороҕор муостаахтарга игирэ ньирэйдэр төрүүллэрэ бастакы түгэн буолбатах. Бу иннинэ өссө үс хаһаайыстыбаҕа игирэ ньирэйдэр төрөөбүттэрэ биллэр. Бу туһунан СӨ Бэтэринээрийэтин управлениета суруйар.
Ньирэй төрүүрэ үөрүү, оттон игирэ ньирэй кэлиитэ хаһаайыстыбаҕа улахан эбиллии, үлүскэннээх дьол.
+1
2
+1
+1
+1
+1
+1
+1
Сообщить об опечатке
Текст, который будет отправлен нашим редакторам: