Хаартыска СӨ Инновацияҕа министиэристибэтин пресс-сулууспатыттан
Үөһээ Халыма оройуонугар Уһун Күөлгэ эдэр исписэлиистэргэ дьиэ тутуохтара.
Арыылаах нэһилиэгин олохтоохторо педагогтарынан уонна мэдиссиинэ үлэһиттэринэн хааччыллыы туһунан ыйытыыларыгар, СӨ Бырабыыталыстыбатын отчуотугар бу туһунан иһитиннэрдилэр.
Маны сэргэ, оробуочай бөлөх бэрэстэбиитэллэрэ быйылгыттан арктическай көһө сылдьар мэдиссиинэ — мобильнай биригээдэлэр өрөспүүбүлүкэтээҕи кииннэрэ үлэлиирин бэлиэтээтилэр. Быраастар арктика оройуоннарыгар олохтоохтор доруобуйаларын көрө-истэ тиийэллэрин, өссө биир туһалааҕынан уонна сэҥээриини ылбытынан телемедицина буолара этилиннэ. Холобур, интэриниэт ситимэ баар буолуоҕуттан, маннык хайысханан Өлөөн оройуона көдьүүстээхтик туһанар.
Былырыын өрөспүүбүлүкэ РФ Сыыппара сайдыытын министиэристибэтин кытта «Синергия Арктики» бырайыагынан дуогабар түһэрсибитэ. Бу бырайыак чэрчитинэн хас биирдии арктическай оройуон киинигэр интэриниэт ситимэ баар буоларыгар федеральнайтан үп-харчы көрүллэр.
«Зырянка 2024 сылга былааннанан турар. Биллэн турар, оройуон киинин кэнниттэн сибээс Арыылаах нэһилиэгэр баар буолуо«, — диэн СӨ Инновацияҕа, сыыппаранан сайдыыга уонна инфокоммуникационнай технологияларга миниистир Анатолий Семенов этэр.
Олохтоох нэһилиэнньэ сылгы, сүөһү иитиитинэн дьарыктанар, маны сэргэ, саха ынаҕын иитэллэр. Онон отчуот кэмигэр тыа хаһаайыстыбатын өйөөһүн миэрэлэригэр эмиэ тохтоотулар.
Оробуочай бөлөх Арыылаах орто оскуолатыгар сырытта. Манна 3D принтердээх, квадрокоптердаах, компьютердардаах уонна да атын тэриллэринэн хааччыллыбыт «Точка роста» киин арыллыбыта. Оҕолор манна үөрэ-көтө, көхтөөхтүк үөрэнэллэр. Маны сэргэ, оскуола агро хайысхалааҕынан, өрөспүүбүлүкэ бырагырааматынан саҥа тыраахтар ылбыттар.
Манна даҕатан эттэххэ, СӨ Бырабыыталыстыбатын отчуотугар дэлэгээссийэ дьону-сэргэни кытта сирэй көрсөн олорон сэһэргэһэр.
СӨ Ил Дарханын уонна Бырабыыталыстыбатын пресс-сулууспата
Хаартыска СӨ Инновацияҕа министиэристибэтин пресс-сулууспатыттан
Күҥҥэ 4197 нүөмэрдээх куттааллах чааһа Сир диэки хайыста, диэн РНА Космос чинчийиилэрин институтун (КЧИ) Күн…
Хотугулуу-Илиҥҥи федеральнай университет байыаннай дьайыы кыттыылаахтарын туһунан «Эһиги биһиги өйбүтүгэр-санаабытыгар хаалаҥҥыт, мэлдьи тыыннаах буолуоххут» диэн…
Бу күннэргэ «Дьокуускайдааҕы үүт собуота» ХЭТ сыыр сыаҕар саҥа сезона үөрүүлээхтик аһылынна. Сыах 1996 сылтан…
Анаабыр улууһун Сааскылаах сэлиэнньэтигэр Мииринэй оройуонун суута таһаарбыт бириигэбэрэ сокуоннай күүһүгэр киирдэ. Дьахтар сулууспалыыр балаһыанньатын…
Сүбүөкүлэни хостоотоххутуна, эбэтэр сэбирдэхтээх эдэр сүбүөкүлэни атыыластаххытына, сэбирдэҕин быраҕымаҥ. Онтон олус минньигэс кэтилиэттэри бэлэмниэххэ сөп.…
Үрдүк, орто үөрэх бүддьүөккэ миэстэлэригэр тутуу хампаанньата сүрүннээн түмүктэннэ. Онон чопчу да буолбатар, уопсай түмүгү…