Үөһээ Халыма оройуонугар Уһун Күөлгэ эдэр исписэлиистэргэ дьиэ тутуохтара

Үөһээ Халыма оройуонугар Уһун Күөлгэ эдэр исписэлиистэргэ дьиэ тутуохтара

Ааптар:
03.03.2023, 18:00
Хаартыска СӨ Инновацияҕа министиэристибэтин пресс-сулууспатыттан
Бөлөххө киир:

Үөһээ Халыма оройуонугар Уһун Күөлгэ эдэр исписэлиистэргэ дьиэ тутуохтара.

Арыылаах нэһилиэгин олохтоохторо педагогтарынан уонна мэдиссиинэ үлэһиттэринэн хааччыллыы туһунан ыйытыыларыгар, СӨ Бырабыыталыстыбатын отчуотугар бу туһунан  иһитиннэрдилэр.

Хаартыска СӨ Инновацияҕа министиэристибэтин пресс-сулууспатыттан

Маны сэргэ, оробуочай бөлөх бэрэстэбиитэллэрэ быйылгыттан арктическай көһө сылдьар мэдиссиинэ — мобильнай биригээдэлэр өрөспүүбүлүкэтээҕи кииннэрэ үлэлиирин бэлиэтээтилэр. Быраастар арктика оройуоннарыгар олохтоохтор доруобуйаларын көрө-истэ тиийэллэрин, өссө биир туһалааҕынан уонна сэҥээриини ылбытынан телемедицина буолара этилиннэ. Холобур, интэриниэт ситимэ баар буолуоҕуттан, маннык хайысханан Өлөөн оройуона көдьүүстээхтик туһанар.

Хаартыска СӨ Инновацияҕа министиэристибэтин пресс-сулууспатыттан

Былырыын өрөспүүбүлүкэ РФ Сыыппара сайдыытын министиэристибэтин  кытта «Синергия Арктики» бырайыагынан дуогабар түһэрсибитэ. Бу бырайыак чэрчитинэн хас биирдии арктическай оройуон киинигэр интэриниэт ситимэ баар буоларыгар федеральнайтан үп-харчы  көрүллэр.

Хаартыска СӨ Инновацияҕа министиэристибэтин пресс-сулууспатыттан

«Зырянка 2024 сылга былааннанан турар. Биллэн турар, оройуон киинин кэнниттэн сибээс Арыылаах нэһилиэгэр баар буолуо«, — диэн СӨ Инновацияҕа, сыыппаранан сайдыыга уонна инфокоммуникационнай технологияларга миниистир Анатолий Семенов этэр.

Олохтоох нэһилиэнньэ сылгы, сүөһү иитиитинэн дьарыктанар, маны сэргэ, саха ынаҕын иитэллэр. Онон отчуот кэмигэр тыа хаһаайыстыбатын өйөөһүн миэрэлэригэр эмиэ тохтоотулар.

Хаартыска СӨ Инновацияҕа министиэристибэтин пресс-сулууспатыттан

Оробуочай бөлөх Арыылаах орто оскуолатыгар сырытта. Манна 3D принтердээх, квадрокоптердаах, компьютердардаах уонна да атын тэриллэринэн хааччыллыбыт «Точка роста» киин арыллыбыта. Оҕолор манна үөрэ-көтө, көхтөөхтүк үөрэнэллэр. Маны сэргэ, оскуола агро хайысхалааҕынан, өрөспүүбүлүкэ бырагырааматынан саҥа тыраахтар ылбыттар.

Хаартыска СӨ Инновацияҕа министиэристибэтин пресс-сулууспатыттан

Манна даҕатан эттэххэ, СӨ Бырабыыталыстыбатын отчуотугар дэлэгээссийэ дьону-сэргэни кытта сирэй көрсөн олорон сэһэргэһэр.

СӨ Ил Дарханын уонна Бырабыыталыстыбатын пресс-сулууспата

Хаартыска СӨ Инновацияҕа министиэристибэтин пресс-сулууспатыттан

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
13 июля
  • 30°C
  • Ощущается: 29°Влажность: 37% Скорость ветра: 4 м/с

Сообщить об опечатке

Текст, который будет отправлен нашим редакторам: