Хаартыска: Мария Васильева, ЯСИА.
Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ, ситиһиилэри үллэһиннэ, кэлэр сыллааҕы былааннары билиһиннэрдэ.
Былырыын сыл бүтүүтэ министиэристибэ бары салааларынан тэрээһин ыытыллыытыгар комплекснай былаан ылыммыт. Аҕа дойду Улуу сэриитигэр Кыайыы 80 сылыгар, Аҕа дойдуну көмүскээччилэр, Ийэ дойдуну көмүскээччилэр сылларын чэрчитинэн үүнэр көлүөнэни иитэр-үөрэтэр үлэҕэ улахан болҕомто ууруллубут. Кыайыы күнүгэр эрэ буолбакка, сылы эргиччи уһуйаантан саҕалаан идэҕэ үөрэтэр кыһаларга тиийэ араас тэрээһиннэри ыппыттар.
Дьоруойдар күннэригэр “Кинилэр төрөөбүт дойдуларын туһугар турууласпыттара” өрөспүүбүлүкэтээҕи чинчийэр кэмпириэнсийэни түмүктээбиттэр. Барыта 1977 үөрэнээччи кыттыбыт. “Кырачаан чинчийээччилэр дойдуларын, Сэбиэскэй Сойуус дьоно, бэйэлэрин аймахтара, биир дойдулаахтара кыайыы туһугар кыттыыларын, хорсун быһыыларын, киллэрсибит кылааттарын, сэрии кэнниттэн төннүбүттэрин, суоҕун, тугунан үлэлээбиттэрин иҥэн-тоҥон үөрэттилэр. Бу чахчы суолталаах өйдөбүл. Өрөспүүбүлүкэ таһымыгар үс хайысханан 120-чэ үлэ киирбитэ. Кыайыылаахтар үлэлэрин тохсунньуга “Инникигэ хардыы” билим-быраактыка кэмпириэнсийэтигэр көрүөхпүт”, – диэн миниистир эттэ.
Итини таһынан үгүс олохсуйбут тэрээһиннэр буолбуттар: байыаннай-патриотическай оонньуулар, “Снежный барс”, “Тайҕа дьоруойа”, быыстапкалар, Арассыыйаҕа тиийэ биллибит “Кыайыы вальса”, о.д.а.
Бу күннэргэ Үөрэх уонна билим министиэристибэтин сылы түмүктүүр кэллиэгийэтигэр оччотооҕу реальнай училище үөрэнээччилэрин ахтан ааспыттар, көрдөрбүттэр. Билигин Аҕа дойду Улуу сэриитин кыттыылааҕа, бу күннэргэ 100 сааһын туолбут, 46 сыл устата оскуола дириэктэринэн үлэлээбит, үүнэр көлүөнэни иитиигэ, үөрэтиигэ сыратын уурбут Николай Иванович Афанасьевка аналлаах быыстапка турбут.
Ити курдук Үөрэх уонна билим миниистирэ Нюргуна Соколова салааларынан сыл түмүгүн билиһиннэриитин быйылгы бэлиэ сылтан, оҕону иитиигэ үлэттэн саҕалаата.
Саха сиригэр устудьуоннар оҥорбут бастакы спутниктара — «Чолбон» аппараат космоска тахсан, Сир үрдүнэн 510-550 килэмиэтир…
Олунньу 2 күнүгэр Дьокуускайга Арассыыйатааҕы Буойун албан аатын күнүн бэлиэтиир өйдөбүнньүк тэрээһиннэр ыытылыннылар — бу…
Олунньу 2 күнэ -- Сталинграды босхолооһун күнэ. Бу Сэбиэскэй Аармыйа ситиспит Улуу Кыайыыта бүтүн аан…
Аатырбыт "Алеша" Танк экипаһын хамандыыра, Арассыыйа Дьоруойа Александр Сергеевич Леваков байыаннай дьайыы саҕаланыаҕыттан Саха сириттэн…
Олунньу 2 күнэ - Арассыыйаҕа Сталинград кыргыһыытыгар Сэбиэскэй аармыйа ньиэмэс-фашист күүстэрин үлтүрүппүт бэлиэ күнэ. Сталинград…
Табаҕын бырахпыт киһи доруобуйата бөҕөргүүр, сэниэлэнэр, эрчимнэнэр. -хаанын баттааһына уонна сүрэҕин тэбиитэ 20 мүн. нуорма…