Үөрэнээччи идэ ылыан сөп

Идэҕэ урутаан бэлэмниир киин (ЦОПП) оскуола 9-11 кылааһын үөрэнээччилэрин эмиэ үөрэтэр. Билигин төлөбүрдээх уонна босхо куурустары арыйан, оҕолору идэ ыларга ыҥырар.

Ханнык куурустар баалларый, туох идэни ылыахха сөбүй?

• Визажист (56 ак.ч.)

• Видеограф (56 ак.ч.)

• Кыламаны үүннэрэр маастар (72 ак.ч.)

• Фотограф (56 ак.ч.)

• Флорист (72 ак.ч.).

Бу куурустарга босхо миэстэлэр «СВОИ» бырагырааманан бэриллэллэр. Бу Ил Дархан гранынан үбүлэнэр бырагыраама, байыаннай дьайыы кыттыылаахтарын оҕолоругар ананар.

Куурустарга күнүскү үөрэтии Дьокуускайга балаҕан ыйыгар саҕаланар.

Үөрэтии оскуола симиэнэтин учуоттаан оҥоһуллар, ол эбэтэр, сарсыардааҥҥы уонна киэһээҥҥи бөлөхтөр баар буолуохтара.

Кууруска үөрэнэн баран, оҕо судаарыстыбаннай көрүҥнээх докумуону ылар: оробуочай идэтин, сулууспалаах дуоһунаһын ылбытын туһунан сибидиэтэлистибэни тутар.

«ЦОПП» саайтыгар киирэн, сиһилии билсиэххитин сөп.